Exkommunikazion

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Stroof für s Stääle vo Büecher in dr Bäpstlige Universidäät Salamanca isch d Exkommunikazioon gsi.

D Exkommunikazioon (lat. excommunicatio, zum Präfix ex- „us“, dusse; commūnis doo Kommunion, Eucharistie) isch im witere Sinn dr Usschluss us ere Kiirche oder ere Glaubensgmäinschaft oder vo bestimmte Aktiwidääte in ere sonige Gmäinschaft. Si wird vilmol aagwändet, bis ass dr Sünder sis schlächte Benää duet verbessere, cha aber au permanänt si. Si basiert uf em Nöije Testamänt (Matth. 18,17 , Kor. 5,4 usw) und isch gege Sünder und Heretiker aagwändet worde. Es git sä in de mäiste christlige Religioonsgmäinschafte und isch bis ins 19. Joorhundert nid sälte und meer oder weeniger sträng aagwändet worde.

En äänligi Stroof im Juudedum isch dr Cherem (Bann, hebr. חרם), wo mit em zum Bischbil dr Baruch Spinoza us dr jüüdische Gmäind vo Amsterdam usgschlosse worde isch.

Kwelle[ändere | Quälltäxt bearbeite]

  • dtv-Lexikon, Band 5, deutscher taschenbuch verlag, 1970