Escher vom Glas
D Äscher vom Glas sind es alts Gschlächt vo Züri.
Es isch sit em Ändi vom Mittelalter eini vo de wichtigschte Familene vo dr Stadt gsi. Vorhäär het d Familie i dr Chlystadt Chäisterstuel am Rhy gläbt; si sind Dienschtmanne vo de Habsburger und d Schulthäisse vo Chäiserstuel gsi.
Dr Johannes Äscher isch ane 1384 Bürger vo Züri worde, si Brueder Heiri Äscher ane 1385. Vom Heiri chunt d Linie vo de Äscher vom Glas. Är het d Margret zum Thor ghüratet und in ere zwäite Ee d Regula Manesse vo Manegg.
D Äscher sind e rychi Familie i dr Stadt gsi und händ immer wider gueti Ämter übercho; füüfmol isch en Äscher dr Bürgermäischter vo Züri gsi. I dr Stadtgschicht sind vil prominänti Persoone vo dr Familie bekant. Es paar dervo:
- dr Bürgermeischter Rudolf Äscher († 1513)
- dr Hans Äscher, wo d Zürcher Miliz im zwäite Chappelerchrieg gfüert het
- dr Johann Caspar Escher-Rahn, Ratsherr und Landvogt vo Bade
- dr Heiri Äscher-Werdmüller, Bürgermeischter sit 1678
- dr Hans Conrad Äscher vo dr Linth
- dr Gschichtsforscher Heiri Äscher
- dr Undernäämer Alfred Äscher
- dr Hans Caspar Äscher, wo d Firma Escher, Wyss & Co. gründet het
Literatur
[ändere | Quälltäxt bearbeite]- Katja Hürlimann: Escher [von]. In: Historisches Lexikon vo dr Schwiiz.
- Carl Keller-Escher: Fünfhundert und sechzig Jahre aus der Geschichte der Familie Escher vom Glas: 1320 – 1885. Festgabe zur Feier des 500. Jahrestages ihrer Einbürgerung zu Zürich. 2 Bände, Zürich 1885.