Erlematt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

D Erlematt isch e nöis Kwardier in der Schwizer Stadt Basel im Norde vom Roosedaal-Kwardier, grad süüdlig vo dr Nordtangänte.

Früener isch dört dr Güeterbaanhoof vo dr Dütsche Baan gsi. Denn het mä däm Gebiet nt*/areal afo sääge und sit em Joor 2000 wird s as Zwüschenutzig für gastronomischi und kulturelli Zwäck brucht. So isch us dr Baankantine vo dr Dütsche Baan s Restorant «Erlkönig» worde, wo d Zuekumft von em allerdings nid ganz klaar isch. Dr Veräin V.I.P organisiert e Sunndigsmäärt, e Verkeersgaarte, e Kunstlabor und anders.[1]

Dr Kanton Basel-Stadt blaant in dr Erlematt under anderem e nöis Woonkwardier.[2] Bis es sowit chunnt, söll d Zwüschenutzig gförderet wärde.[3] Im Oktober 2014 isch die letschti Lizänz abgloffe und d Zwüschenutzig mit iire Subkulturbewegige und iirem Nachtlääbe isch verbii.[4]

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. D Website vo dr V.I.P., abgrüeft am 11.12.2012
  2. http://www.areal.org/content/uploads/nt_abgang_baz281210.pdf
  3. nt*/areal basel: ein projekt für kultur und stadtentwicklung, abgrüeft am 11.12.2012
  4. Das Ende einer Ära uf bazonline.ch, abgrüeft am 8. Oktober 2014