Emmanuel Karasu

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Delegazioon wo im Sultan Abdülhamid II. 1909 d Absetzig verkündet het. Vo linggs uf rächts: dr Konteradmiral Arif Hikmet, dr Emanuel Karasu, dr Essad Pascha Toptani, dr Aram Efendi and dr Oberst Galip Bey (Pasiner)

Dr Emmanuel Karasu (* 1862 z Thessaloniki im Osmanische Riich; † 1934 z Triest in Italie; au Karaso, Carasso oder Karasso geschriibe) isch e sefardische Juud, Rächtsaawalt und Politiker im Osmanische Riich gsi. Dr Karasu isch noch de Aagoobe vo dr Groossloosche vo de Freie und Aagnonige Muurer vo dr Türkei e Freimuurer gsi.[1]

Lääbe[ändere | Quälltäxt bearbeite]

Dr Emmanuel Karasu, dr Unggle vom Danone-Gründer Isaac Carasso, isch 1862 z Thessaloniki uf d Wält choo, wo denn no zum Osmanische Riich ghöört het. Er isch vom ene alte Gschlächt vo sefardische Juude choo. Er het an dr Aristoteles-Uniwersidäät Thessaloniki Kriminologii gleert und het zu de Gründer vo dr jungtürkische Beweegig ghöört, und het sä finanziell stark understützt.

Wo 1908 d Jungtürke an d Macht cho si, isch dr Karasu Abgordnete für Thessaloniki im osmanische Parlamänt worde und het d Delegazioon aagfüert, wo 1909 im Sultan Abdülhamid II. si Absetzig verkündet het. Im Joor 1912 isch er Mitgliid vo dr parlamentarische Kommissioon gsi, wo dr Verdraag vo Ouchy usghandlet het, wo Italie und d Türkei noch em Italiänisch-Türkische Chrieg mit em Friide gschlosse häi.

Im Erste Wältchrieg isch dr Karasu e Berooter vo dr osmanische Regierig gsi und as Anerkennig für sini Dienst het er Exportlizänze für d Usfuer vo türkische Brodukt uf Dütschlandüberchoo und eso e bedütends Vermöge gmacht.

Wo dr Kemal Atatürk an d Macht choo isch, isch dr Karasu 1923 in Ungnad gfalle, und si Vermööge isch beschlagnaamt worde. Er het d Türkei verloo und het bis zu sim Dood 1934 z Triest gläbt.

Fuessnoote[ändere | Quälltäxt bearbeite]

  1. Geschichte der Türkischen Freimaurerei. Archiviert vom Original am 2006-05-20. Abgrüeft am 2015-12-26. (änglisch)
Information icon.svg Dä Artikel basiert uff ere fräie Übersetzig vum Artikel „Emmanuel_Karasu“ vu de dütsche Wikipedia.

E Liste vu de Autore un Versione isch do z finde.