Elektrischi Stroomsterki

Name

elektrischi Stroomsterki

$I$

Grössen- und Eiheite- system	Eiheit	Dimension
SI	A	I
CGS (E-stat.)	cm^3/2·g^1/2·s⁻²	L^3/2·M^1/2·Z⁻²
CGS (E-mag.)	cm^1/2·g^1/2·s⁻¹	L^1/2·M^1/2·Z⁻¹
Planck	Planck-Stroom	G^−1/2·c^6/2·ε₀^1/2

Die elektrischi Stroomsterki oder churz Stroomsterki git aa, wie vil elektrischi Laadig dur e definierte Kwerschnitt duuregoot, bezooge uf d Zit, wo si drfür brucht het. Dr Dransbort vo dr Laadig cha mä as grichdeti Beweegig von ere Zaal vo Elementarlaadige beschriibe, wo im Allgemäine vo Elektrone oder Ione dräit wärde; lueg au Elektrische Stroom.

D Stroomsterki wird im internazionale Äihäitesüsteem (SI) in dr Maassäihäit Ampere mit em Äihäitezäiche A aagee, noch em franzöösische Füüsiker und Mathematiker André-Marie Ampère. S Formlezäiche isch s $I$ ^[1], es chunnt vo „Intensidäät“ (gmäint isch d Sterki vom Stroom). Zum r Zitabhängigkäit kennzzäichne, verwändet mä dr Chliibuechstaabe $i$ für en Augeblickswärt^[2].

Definizioon

Für e Laadigsfluss, wo zitlig konstant isch, gilt

I={\frac {\Delta Q}{\Delta t}}=\int \limits _{A}{\vec {J}}\cdot \mathrm {d} {\vec {A}}

mit dr Laadigsmängi $\Delta Q$ , wo in dr Zit $\Delta t$ verschoobe wird, bzw. dr Stroomdichdi ${\vec {J}}$ , wo dur e Flechenelimänt $\mathrm {d} A$ duurefliesst.

Dr elektrischi Stroom wird as Dransport vo Elementardäili aagluegt, also as quantisierti Gröössi. Wenn iiri Zaal z grooss isch, zum sä abzzelle, denn gseet mä d Stroomsterki as stetigi und differenzierbari Gröössi; lueg Elektrischi Laadig. Für e Stroomsterki, wo sich zitlig veränderet, gilt also

i(t)=\lim _{\Delta t\to 0}{\frac {\Delta Q(t)}{\Delta t}}={\frac {\mathrm {d} Q}{\mathrm {d} t}}

E zitlig periodisch veränderligi Stroomsterki (z. B. bi Wäggselstroom) het e zitlig konstante Effektivwärt, wo au dur s Formlezäiche $I$ kennzäichnet wird.

Fuessnoote

↑ DIN 1304-1 „Formelzeichen“
↑ DIN 5483-2 „Zeitabhängige Größen“

Weblingg

Wikibooks: Der elektrische Strom - Eigenschaften und Wirkungen: Teil I — Lern- und Lehrmaterialie

Dä Artikel basiert uff ere fräie Übersetzig vum Artikel „Elektrische_Stromstärke“ vu de dütsche Wikipedia. E Liste vu de Autore un Versione isch do z finde.

[1] DIN 1304-1 „Formelzeichen“

[2] DIN 5483-2 „Zeitabhängige Größen“

[1]

[2]