Eldin Jakupovic
| Eldin Jakupović | ||
 | ||
| Personalia | ||
|---|---|---|
| Name | Eldin Jakupović | |
| Wänn uf d Wält choo | 2. Oktober 1984 | |
| Wo uf d Wält choo | Kozarac, Bosnie und Herzegowina (doomools Jugoslawie) | |
| Größi | 191 cm | |
| Position | Gooli | |
| Junioren | ||
| Johr | Station | |
| Grasshopper Club Züri | ||
| Herre | ||
| Johr | Station | Spil (Tor)1 |
| 2004–2006 | Grasshopper Club Zürich | 13 (0) |
| 2005–2006 | FC Thun | 22 (0) |
| 2006–2010 | Lokomotive Moskau | 20 (0) |
| 2007–2009 | → Grasshopper Club Züri (Leihe) | 57 (1) |
| 2010–2011 | Olympiakos Volos | 33 (0) |
| 2011–2012 | Aris Thessaloniki | 1 (0) |
| 2012–2017 | Hull City | 33 (0) |
| 2014 | → Leyton Orient (Leihe) | 4 (0) |
| 2017 | → Leyton Orient (Leihe) | 9 (0) |
| 2017– | Leicester City | 0 (0) |
| Nationalmannschaft | ||
| Johr | Uuswahl | Spil (Tor)2 |
| 2008 | Schwyz | 1 (0) |
| 1 Aagää sind nur Ligaspiil. Stand: 10. Februar 2018 2 Stand: 7. Juni 2020 | ||
Dä Eldin Jakupović (* 2. Oktober 1984 in Kozarac, Jugoslawien, hüt Bosnien und Herzegowina) isch en Fuessballgoali mit bosnisch-herzegowinischer und schwiizerische Staatsaaghörigkeit.
Dä Eldin Jakupović hät sini Karriere bim FC Bilten und bim FC Niederurnen aagfange. 1999 isch er i de Noochwuchs vom Grasshopper-Club Zürich gwächslet. Noch füf Johr häd er dä Sprung i di 1. Mannschaft vo de Stadtzürcher gschafft, wobii de Goali i de Saison 2004/05 zu 13 Iisätz choo isch. 2005 isch dä Jakupović für zwoi Johr a de FC Thun uusgliehen worde, wo er mit sine Parade en grosse Biitrag zur Qualifikation für d'UEFA Champions League gleischtet hät. Im März 2006 hät er noch Russland zum Premjer-Liga-Verein Lokomotive Moskau gwächslet. Für d'Säsoo 2007/08 isch er a de Grasshopper-Club Zürich uusgliehe worde. Am 29. September 2007 hät de Jakupović s'erschte Goal i sinere Profi-Karriere us em Spiil use gschosse. Er hät i de 94' Minute am Grasshopper-Club en Punkt mit em Uusgleich zum 3:3 gäge d' Young Boys Bern gsicheret. Är häd zwoi Spiil für d'U21-Nationalmannschaft vo Bosnien-Herzegowina bestritte. Im März 2007 isch er fürs A-Länderspiel Schwiiz gäge Norwege beruefe worde, är isch aber nid iigsetzt worde.
D'Verein, für die dä Eldin Jakupovic gschpilt hät:
- 1992 bis 1998 - FC Bilten
- 1998 bis 1999 - FC Niederurne
- 1999 bis 2005 - Grasshopper-Club Zürich
- 2005 bis 2006 - FC Thun (ausgliehe vom Grasshopper-Club Züri)
- 2006 bis 2007 - Lokomotive Moskau
- sit 2007 - Grasshopper-Club Züri (usgliehe vo Lokomotive Moskau)
Nationalmannschaft:
- 2 U-21 Nationalspiil für Bosnien-Herzegowina
- 1 Nomination für es Länderspiil vo de Schwiiz
Doderzue isch er im Sichtigskader vo de Schwiizer Nationalmannschaft für d'UEFA EURO 2008. Sis erschte Länderspüu het er gäge Zypere beschtritte.
Weblink[ändere | Quälltäxt bearbeite]
- Eldin Jakupovic in dr Datebank vu Weltfussball.de