Eidgnössischer Schwingerverband

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Logo vom ESV

De Eidgnössischi Schwingerverband (ESV) ischim 1894i gründt worde und het foif Teilverbänd. S Ziil vom ESV isch d Förderig vom Schwinge und d Tradition vo dem Schport z pfläge. De ESV het me wi 50'000 Mitglieder.

Entschtehig[ändere | Quälltäxt bearbeite]

Scho bim Eidgnössische Schwingfäscht im 1894i isch de OK-Präsident, de J.J. Müller uf d Idee cho, en Eidgnössische Verband z gründe. Um des Vorhabe chönne um z setze isch es Komitee gründt worde, wo di Gründig het solle vorbereite. Am 11. März 1895 isch dann im Café Born z Bärn de Verband gründt worde. De erschti Obmann isch de Fritz Flück gsi.

Teilverbänd[ändere | Quälltäxt bearbeite]

D foif Teilverbänd, wo zum ESV ghöred sind di folgende:

  • De Bernisch-kantonali Schwingerverband (BKSV)
  • De Innerschwiizerischi Schwingerverband (ISV)
  • De Nordoschtschwiizerischi Schwingerverband (NOSV)
  • De Nordweschtschwiizerischi Schwingerverband (NWSV)
  • De Südweschtschwiizerischi Schwingerverband (SWSV)


Weblink[ändere | Quälltäxt bearbeite]