Edith Sitzmann

Dialäkt: Undermarkgreflerisch

d Edith Sitzmann (2016)

D Edith Sitzmann (* 4. Jänner 1963 z Regensburg) isch e dytschi Bolitikeri (Bindnis 90/Di Griene).

Vu 2002 bis 2021 isch si Aborneti sie Abgeordnete im Lnddag vu Bade-Wirttebärg gsii, wu si dr Wahlchrais Fryybeg II verdrätte het. Vu 2011 bis 2016 isch si Fraktionsvorsitzeri vu dr Griene-Landdagsfraktion un vu Mai 2016 bis Mai 2021 Finanzminischteri im Kabinett Kretschmann II gsii.

Uusbildig un Beruef

D Edith Sitzmann het Gschicht un Chunschtgschicht an dr Universitete Fryybeg, Regensburg un Heidelberg studiert. Im Johr 1989 het si dr Abschluss Magister Artium gmacht. Vu 1989 bis 1991 het si as Raiselaiteri gschafft un het u. a. Bildigsraise fir amerikanischi Schueler un Schuelerne organisert. Vu 1989 bis 1992 het d Sitzmann ehreamtlig im Feministische Archiv Fryybeg mitgschafft. Vu 1991 bis 1993 isch si Gschäftsfiereri vu Bindnis 90/Di Griene Fryybeg gsii. Vu 1993 bis 2001 isch si derno persenligi Referänti vum Landdagsabgordnete Dieter Salomon gsii. Ab 1994 het si au freiberueflig as Moderatori, Traineri un Beroteri vu Non-Profit-Organisatione gschafft.

Si isch ghyrote un läbt z Fryburg.

Bolitischs Schaffe

Zyter anne 1992 isch d Edith Sitzmann Mitglid vu Bindnis 90/Di Griene. Vu 1993 bis 1994 isch si Mitglid im Chraisvorstand vu Bindnis 90/Di Griene gsii, vu 1995 bis 1999 im Länderrot. Vu 1995 bis 2000 isch si au Mitglid im Vergaberot vum Landesökofond gsii. Vu 1994 bis 1998 het si as Aastaltsbyyreti vu dr JVA Fryybeg gschafft. Syt 1996 isch si Ersatzbewärberi fir dr Landdag vu Bade-Wirttebärg im Wahlchrais Fryybeg II (Wescht) gsii un isch schließli am 30. Augschte 2002 in dr Stuegerter Landdag noogruckt fir dr uusgschidene Abgordnete Dieter Salomon, wu dää Oberburgermaischter vu dr Stadt Fryybeg woren isch.

D Edith Sitzmann isch zwische 2006 un 2009 stellverdrättendi Fraktionsvorsitzendi gsii. Thematisch isch si as Landdagsabgordneti fir Wirtschaft, Arbetsmärt un Wohnigsböu zueständig gsii. Si isch Mitglid in dr Enquete-Kommission „Demografischer Wandel – Herausforderungen an die Landespolitik“ vum Landdag gsii un Mitglid im Wirtschaftsuusschuss un stellverdrättend Mitglid im Finanz-, Sozial un Europauusschuss. Im Juni 2009 isch d Edith Sitzmann in dr Fryybeger Gmairot gwehlt wore.

Am 27. Merz 2011 het si bi dr Landdagswahle 2011 z Bade-Wirttebärg mit 39,9 % s Diräktmandat im Wahlchrais Fryybeg II gwunne. Vu 2011 bis 2016 isch si Fraktionsvorsitzeri vu dr Griene-Landdagsfraktion gsii. Bi dr Landdagswahl 2016 het d Edith Sitzmann s Ergebnis no chenne uusböue un het mit 40,5 % wider s Diräktmandat gwunne.

Im Mai 2016 isch d Edith Sitzmann bade-wirttebärgischi Finanzminischteri wore. Iré Landdagsmandat het si bhalte. Bi dr Landdagswahl 2021 het si nimi kandidiert un het si druf us dr Bolitik zruggzoge.

Anne 2022 isch si in Ufsichtsrot vum SC Fryburg gwehlt wore.

Weblink

 Commons: Edith Sitzmann – Sammlig vo Multimediadateie

• Edith Sitzmann im Munzinger-Archiv (Artikelaafang frei abruefbar)

Fueßnote

Dä Artikel basiert uff ere fräie Übersetzig vum Artikel „Edith_Sitzmann“ vu de dütsche Wikipedia. E Liste vu de Autore un Versione isch do z finde.