Dullemajik

Dialäkt: Strosburjrditsch

Dullemajik isch e luxeburjerésche Folklore-Grupp, wii 1975 uem de Guitarrischt un Sänger Guy Schons begrindet wore-n-ésch. E zweit wichtich Person fer de Grupp ésch de Flütischt Marion Michels.

Dr Guy Schons het schun 1963 mét dr Grupp Blackbirds - bsundrs ém sédlich Luxeburi - gspielt. Àb dr Mitt vun de Sechzichr Joohr isch'r mit e Zwelf-Saite-Guitarr un Mundhàrmonika durich àndri Lendr gezöje un het als wédr drhaam àls e „Luxeburjr Bob Dylan“ Proteschtliedr gsunge. Zwische de Wàndrschàfte het'r dert aach de L.S.D.Group begrindet. Etwa ze där Zit het'r aach àngfange, Luxeburjr Liedele ze sàmmle. 1975 het de Guy Schons mit'm René Wiroth denn Dullemajik gegrindet. Én dr làng Zit sitdäm hàn uem sellr Kern vun Lit, wii àls wédr mitenàndr ufftrete, noch e Reih vun àndri Müsiker mitgspéelt.

E Haaptànlieje vun dr Grupp isch, de Lëtzebuerger Volleksmusek, tràditionelli Léedr, wii meh un meh in's Vergesse geroote sin, nei in Erinnerung ze bringe. Mét éhre Façon, àlti Luxeburjr Léedele, àwwr aach neii Kompositione ze presentiere, hàn se vil Indruck hintrlon un e neis Bewusstsin fer de spezifisch Kültür vum klein Ländele bi de jungi Generatione gschàffe.

Dr Nàmme Dullemajik

„Dullemajik“ ésch e àltr, nimm so bekànntr Luxeburjr Nàmme fer de Draihlèier (odr aach Dréileier, Ràdleier, de Vielle à roue), 's schun àlt mehrstimmig, mechànisch Müsikinschtrument, wo wii aach dr Nàmme selte gewore-n-isch. 'S Luxemburger Wörterbuch fiehrt's Wertel Dullemajhik (Betonung uff de letscht Silb!) erscht ém Bànd V, Noochträä un Berichtigunge vun 1977. 'S kummt wàhrschins vun de Begréff Duddelsak un Lantermajik (lanterne magique). Laterna-Magica-Vorfierunge, wii's se vor dr Vrbreitung vum Cinema nooch'm 19. Johrhundrt noch genn het, sin oft, wii aach traditionell de Moritatesanger uff Johrmärike, vun e Draihorgel begleitet wore - odr vun e Draihleier. In däm Zsàmmehang hàn sich de Begréff Lantermajik un Dullemajik uff beidi Inschtrümente iwwertraawe.

Müssikr, wii bi Dullemajik sin odr gsin sin (Üswàhl)

• Guy Schons, Gitarr, Dullemajik un Gsang
• René Wiroth, Giige
• Josée Dostert, Flüt
• Chris Birch, Giige
• Marion Michels, Flüte un Gsang
• Fernande Kimmel, Gsang
• Stefano Evangelista, Akkordeon
• Michel Deru, Düdelsack
• Michel Pêcheur, Akkordeon
• Maurizio Spiridigliozzi, Akkordeon
• Vincent Soubeyran, Giige, Nyckelharpa (Schlësselharf)
• Carine Ernens, Diatonesch Akkordeon
• Lisa Berg, Cello
• Martina Menichetti, Flüt
• Nadine de Lorenzi-Bissen, Flüt, Klarinett, Gsang
• Servane Le Moller, Akkordeon

Discographie

LP Vinyl-Disques

• 1976 Lëtzebuerger Volleksmusek
• 1980 O wär ech dach am Grengewald
• 1984 Hutschel mat der Butschel. Erotische Volkslieder aus Luxemburg
• 1986 Trili! Chansons und Satiren, Studenten- und Arbeiterlieder aus Luxemburg

Kompilatione

• 1979 Contr'Eurovision 79. Vol. 1. Bruxelles
• 1979 Dem Fiischen säi Fest

CDs

• 1992 Di schéinste Lidder
• 1995 20 Joer Dullemajik
• 2001 European Folk Songs & Dances
• 2003 Dullemajik "live"
• 2005 Schons erëm!
• 2007 Dat bescht!
• 2009 Häss de Flilléken!

Kompilatione

• 1999 Mussik, Sprooch un Wein. Saar-Lor-Lux-Mosel-Tour 99. SWR Stugert
• 2009 Unity in Diversity. A celebration of the musics of Asia and Europe. Asia-Europe Foundation

Literatür

• Carmen Heyar, 2006. "30 Joer Dullemajik" d'Lëtzebuerger Land, Nr. 1, 2006 (6.1.2006.).

Einzelnoochwis

Dä Artikel basiert uff ere fräie Übersetzig vu dere Version vum Artikel „Dullemajik_(Grupp)“ vu de luxeburjerische Wikipedia. E Liste vu de Autore un Versione isch do z finde.