Dover

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dover
Dover us de Luft
Dover us de Luft
Koordinate 51° 8′ N, 1° 19′ O51.12741.3122Koordinaten: 51° 8′ N, 1° 19′ O
Dover (England)
Dover
Dover
Bevölkerig 43.000 (Stand: 2010)
Flechi 8,61 km² (3,32dep1)
Verwaltig
Post town DOVER
Postleitzahle­abschnitt CT16/CT17
Vorwaal 01304
Landesdäil England
Region South East England
Shire county Kent
District Dover
Wahlkräis zum Britische Parlamänt Dover
Website: www.dover.gov.uk

Dover isch en änglischi Stadt.

Si lyt ganz zusserscht im Südoschte vo Ängland, i dr Grafschaft Kent und am Eermelkanal. Zwüsche Dover und em französische Calais isch das Meer am schmeelschte, es isch dört numen öpe 34 Kilometer breit, und dä Abschnitt vom Eermelkanal heisst uf Düütsch Strooss vo Dover, uf französisch aber Pas-de-Calais.

Gschicht[ändere | Quälltäxt bearbeite]

Der Name vo der Ortschaft chunt vom alte keltische Wort dwfr, wo «Gwässer» bedüütet.

I der Römerzyt isch a dere Stell der Hafe Portus Dubris gsi, wo die römischi Flotte Classis Britannica ihri Basis gha het; vo de römische Lüüchtdürm bi Dover sind no Räschte erhalte.

Ane 1066 isch Dover vo de Normanne under em Wilhelm em Eroberer bsetzt worde. Im zwölfte Joorhundert het dr Bou vo der starche Burg Dover Castle agfange, wo eini vo de gröschten änglische Burgen isch. Vo dere Zyt isch au no e rächte Deil vo der normannische Jungfrau Maria-Chile (St Mary's Church) z gseh.

Vercheer[ändere | Quälltäxt bearbeite]

Bim Hafe vo Dover isch e bedüütendi Seerettigsstazion vo Ängland, und vo dört uus überwacht au der Vercheersleitdienscht Channel Navigation Information Service d Schiff i dämm Deil vom Kanal, wo d Wasserstrooss mit em meischte Schiffsvercheer vo dr Wält isch. Bis ane 1994 het me mit de Ysebaanzüg z Dover bi eigete Baanhööf am Meer uf spezielli Ysebaanfäärine chönne fahre; sid denn goot der Baanvercheer dur s nöie Dunäll bi Dover, dr Channel Tunnel, uf düütsch Eurotunnel, under em Eermelkanal dure.

Bis ane 2005 sind Luftchüssiboot vo Dover us als Fäärine übere Eermelkanal gfahre.

Weblink[ändere | Quälltäxt bearbeite]

 Commons: Dover – Sammlig vo Multimediadateie