Datteried

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Datteried, uf französisch Dole, isch e Stadt im französische Departemänt Jura.

D Stadt lyt am Rand vo dr Freigrafschaft a de Flüss Doubs und Clauge. Bi dr Stadt chunt dr Rhy-Rhone-Kanaal dure.

Im sächste Joorhundert het dr burgundisch König Gondebaud Datteried zur Hauptstadt vom Gau vo Amaus gmacht. Und es isch au d Hauptstadt vo dr Grafschaft Burgund worde. Dr burgundisch Herzog Philipp dr Guet het dört en Universität gründet. 1691 isch d Uni uf Besançon verleit worde.

Vo 1493 aa het Datteried de Habsburger ghört bis ane 1674, wo di französischi Armee under dr Füerig vom Marschall Vauban d Stadt eroberet het. Hüt isch Dole mit über 23000 Ywooner die gröschti Stadt vom Departemänt Jura.

I dr Altstadt vo Datteried isch d Stiftschile us em 16. Joorhundert.

Bi Dole chrüze sech d Autobaan A 36 und A 39. Dr Baanhof lyt a dr Ysebaanlinie vo Dijon uf Vallorbe i dr Schwiiz und isch dr Usgangspunkt vo dr Ysebaanstrecki is Elsass und uf Stroossburg. Dört chunt dr TGV dure, wo vo Paris uf Bärn und Lausanne goot. I dr Nöchi vo dr Stadt isch dr Flugplatz Dole-Jura. Dr internazional Welowääg EuroVelo 6 het en Etappe bi Datteried.

E Partnerstadt vo Datteried isch Lohr, Baade-Württebärg.

Lüt[ändere | Quälltäxt bearbeite]

Weblink[ändere | Quälltäxt bearbeite]

 Commons: Dole – Sammlig vo Multimediadateie