Diskussion:Zeittafel Weltgeschichte

Bii de do unbekanntere Kulture und Staate ohni Bluelink sötti no en geografischi Lokalisierig vor Jetztziit derzue: ZB. M.W. Azteke (Mexiko), Inka (Peru) etc., etc.--62.202.235.207 07:53, 20. Okt. 2012 (MESZ)

Schrift

Im dtv-Atlas Weltgeschichte han ich en Widerspruch zu do: "Erste beschriebene Tontafeln finden sich in Uruk; aus der Bilderschrift entstanden dann Wortzeichen". Uruk isch im Zweischtromland situiert und wird unter Jungsteinzeit gfüehrt. Gruess--62.202.238.119 15:54, 21. Okt. 2012 (MESZ)

S Broblem isch, dass die Zytepoche uf europäischi Verhältnis uusgrichtet sin, d. h. mer het e Yydailig no Materialie (Staizyt, Bronzezyt, Yysezyt) un d Yydailig no dr Iberliferig (d Gränze Ur- un Friegschicht zue Altertum isch per definitionen s Yysetze vu dr Schrift). Z Europa, v. a. z Mitteleuropa, het mer do jetz e scheni, gordneti Abfolg (Jungstaizyt, Bronzezyt, Yysezyt, Altertum, Mittelalter, Neizyt). In andere Dail vu dr Wält het mer die Abfolg nit eso oder ganz andersch. Z. B. fangt im Alte Ägypte s Altertum fascht glychzytig zue dr Bronzezyt aa. Mit wellere "Materialie"-Epoche (Ibergang Jungstaizyt - Chupferstaizyt - Bronzezyt) jetz die "Schrift-Yydailig" (Ibergang Ur- un Friegschicht - Altertum) in wellere Region vu dr Wält genau korrespondiert isch glaub nit eso wichtig, uf jede Fall ghert d Entwicklig vu dr Schrift zum Altertum un nit zue dr Ur- un Friegschicht. --Holder (Diskussion) 16:48, 21. Okt. 2012 (MESZ)

Altschteiziit - Uusbreitig vom moderne Mensch

Isch das gliichbedütend mit Neandertaler - Homo sapiens? Denn sött me s no in der Tabelle verdüütliche --62.202.230.136 21:34, 30. Okt. 2012 (MEZ)

Dr „modärn Mänsch“ isch nit dr Neanderthaler sundern dr Cro-Magnon-Mänsch, d. h. dr hitig Mänsch. --Holder (Diskussion) 05:58, 31. Okt. 2012 (MEZ)

Internet 1969?

Do han ich Zwiifel. Es isch ja umschritte, ob s CERN oder s Pentagon mit eme Intranet d Web-Pioniere gsii sind, aber nach miinere Erinnerig isch das nit schon 1969, fascht in der Computer-Schteinziit gsii, sondern rund in de 1980er.

Ansonschte han ich übrigens Freud am Artikel (won ich au no en gwüsse Anteil an der Entschtehig gha haa), wo en gueti Gsamtschau über d Menschheitsgschicht liiferet, was nit so hüüfig isch und leider auch in de andere WPs fählt - en Mangel in de Anschträngige von der Allgemeinbildig.

Gruess --62.202.133.195 17:07, 25. Okt. 2013 (MESZ)

I ha s korrigiert. Andi d (Diskussion) 08:24, 26. Okt. 2013 (MESZ)