Diskussion:Ungarische Minderheiten

Charte & IIlaitig[Quälltäxt bearbeite]

Aso die Charte wo jtz dinen isch, macht - zäme mitem Bildbeschriib - fascht de Iidruck, as öb Ungarn het müese s Südtirol abtrete. E besseri Charti findi die: Austria hungary 1911.jpg. Scho nume drum, well me do erchene cha, wo d Meerhait vo de Ungar ane 1911 glebt hend.

D Iilaitig sött no ase gänderet were, ass de Titel Ungarischi Minderhaite im erste Satz möglichst em Aafang vorchunt. --al-Qamar 16:52, 31. Aug. 2010 (MESZ)[Antwort gee]

Ich fänd villicht sogar die no ibersichtliger: nl:Bestand:Hongaars.PNG (mießt mer halt no ibersetze). --Holder 17:19, 31. Aug. 2010 (MESZ)[Antwort gee]

Passt sicher guet zum Thema, aber optisch? Bhuuh .... :-( --al-Qamar 17:22, 31. Aug. 2010 (MESZ)[Antwort gee]

Die do wär e bitzli besser (v. a. genauer) un liichter z verbessere (SVG). Die Charte vu 1911 zeigt nit, wu d'Gränze vu Ungarn hütt verlaufe, un isch au zimmli veraltet. Vor allem find i abber wichtig, dass mer siht, wie d'Gränze vor un noch em Verdrag vu Trianon gsi sin; die Charte wär wohl besser wie di jetzigi. --Strommops 18:26, 31. Aug. 2010 (MESZ)[Antwort gee]

Dini noie Vorschläg sind uf jede Fall gaignet. :-) --al-Qamar 20:19, 31. Aug. 2010 (MESZ)[Antwort gee]

In däre Charte mueß mer no des magyar in dr Ukraine ibersetze. --Holder 05:01, 1. Sep. 2010 (MESZ)[Antwort gee]

Ich haa die Datei emol korrigiert, aber ich schaff s nit si korrekt uffezlade, do isch derno allno di alt Version mit "magyar" :-( Wäge däm haan i si jetz unter eme andere Name uufeglade. --Holder 05:13, 1. Sep. 2010 (MESZ)[Antwort gee]

Des hätt scho klappt, numme wird e neu uffegladeni Version nit glii aazeigt, sundern all no di elteri. --Strommops 21:32, 1. Sep. 2010 (MESZ)[Antwort gee]

Ungarn bim Heer[Quälltäxt bearbeite]

Ich ha e Froog wo sich uff de Satz im Abschnitt "Vojvodina" beziegt: "Relatiiv zu ihrer Gsamtzahl hät's bim Heer meh Ungare gha wie anderi". Welles Heer isch doo gmeint? Un denn sött mer no die Aagab vo über 50.000 ungarische Gfallene überpriefe. Des dät nämli heisse dass öbe en Viertel vo allene Tote im Jugoslawiechrieg Ungarn gsi sin! --Terfili 12:21, 5. Sep. 2010 (MESZ)[Antwort gee]

Ups ... was d'Zahle bedrifft, häsch natürli Rächt, es sin 50 gsi un nit 50.000. ;-) Wel Heer es gsi isch, weiß i nit genau, i ha gmeint des vum Milosevics, abber i frogg zur Sicherheit emoll uff de ungarische WP noch. --Strommops 18:52, 5. Sep. 2010 (MESZ)[Antwort gee]

S Heer vum Milošević bzw d jugoslawischi Bundesarmee het allerdings nie am Jugoslawiechrieg teilgno (usser mer zäält au de Kosovochrieg dezue). Vor 1991 het es die jugoslawischi Volchsarmee gee, wo alli Ethnie verträte gsi sin. Wo d Deilrepublike d Unabhängigkeit erklärt hen, het die Armee ygriffe zume des ruggängig z mache, het sich deno aber zimli schnäll uffglööst bzw d Slowene, Kroate usw hen eifach d Uniforme gweggslet oder d Lüt sin desertiert, so dass am Änd vo 1991 de fakto numme no Serbe un Montenegriner in de Armee gsi sin. Un wo Serbie un Montenegro 1992 d Bundesrepublik Jugoslawie gründet hen, het sich die Armee uss Kroatie un Bosnie zruggzoge. Offiziel sin numme die Serbe zruggblibe wo sälber uss Kroatie un Bosnie gsi sin, freili het mer denne de Grossdeil vum Chriegsmaterial überlo, un uss Serbie hen Freiwilligi un Paramilitär d Serbe z Kroatie un Bosnie unterstützt. Mir dunkt de Abschnitt e chly seltsam, au wyl es d Serbe denki gar nit nötig gha hen, Ungare zum kämpfe z zwinge. An Ultranationalischte, wo bereit gsi sin z Bosnie z kämpfe, het z Serbie kei Mangel gherscht... Un dass mer ene kei Gwehr gee het, dät mi au wundre. D Serbe hen nämli wie gsait de Grossdeil vum Material vo de Volchsarmee überno, un sin uff riisige Menge vo Waffe un Munition gsesse. --Terfili 11:42, 6. Sep. 2010 (MESZ)[Antwort gee]

I ha jetz (ändli) e Antwort griegt. Dass Ungare zum Militär hänn mieße, isch z Jugoslawie schints übberall eso gsi, au friehjer scho. Die Zahl vu Dote stimmt schints all nò nit, es dürfte no meh gsi sii, i ha si drum jetz uusegnuu. --Strommops 13:14, 9. Sep. 2010 (MESZ)[Antwort gee]

Ok, irgetöbis stimmt jetz aber einewäg no nit, e serbischs Militär git's nämli ersch syt 2006, wyl es devor kei Staat mit Name Serbie gee het. De Staat wo Serbie dezueghört het, het Bundesrepublik Jugoslawie gheisse (nit z verweggsle mit de Volchsrepublik Jugoslawie) bzw ab 2003 Serbie un Montenegro. D Armee vo de Bundesrepublik Jugoslawie het aber nie am Jugoslawiechrieg teilgno, wäge däm wüssti gärn, wo die Ungare aa d Front cho sin...--Terfili 17:08, 15. Sep. 2010 (MESZ)[Antwort gee]

Lut ungarischer WP sin si in de Chrieg gege Kroatie un bsunders gege Bosnie an d'Front gschickt wore. Cha's sii, dass mit Serbie di Serbischi Krajina gmeint isch, hät die e eiges Militär gha? --Strommops 21:29, 15. Sep. 2010 (MESZ)[Antwort gee]

Freili hen die e Militär gha, d Republika Srpska vo de bosnische Serbe au. Aber wie chunt s Militär vo de serbische Krajina dezue, Ungare uss de Vojvodina zum Militärdienscht z zwinge?... --Terfili 11:11, 17. Sep. 2010 (MESZ)[Antwort gee]

Militärdienst isch z Jugoslawie wie gsait Pflicht gsi. Des hät au für d'Minderheite gulte, als "Gegeleistig" für ihri Rächt (ungarischi Schüele, Präss, ...). --Strommops 21:42, 18. Sep. 2010 (MESZ)[Antwort gee]

Jo, scho klar. Aber d jugoslawischi Volchsarmee het wie gsait numme in de Aafangsphas, bis Mai 1992 am Chrieg teilgno. E Ussag wie: „Ungare sin in de Aafangsphas vum Jugoslawiechrieg [bis 1992] vo de jugoslawische Volchsarmee ygsetzt worde“ dät Sinn mache. Aber d Ussag dass si vum serbische Militär aa d Front gschiggt worde sin, macht ke Sinn, wyl es de Staat Serbie ersch syt 2006 git. Un wenn d Armee vo de serbischi Republik Srpska oder vo de Republik serbischi Krajina gmeint isch, macht es au ke Sinn, wyl die natürli niemern uss de Vojvodina hen chönne zum Militärdienst zwinge, wyl d Vojvodina zumene andre Staat ghört het. Au de Milosevic het nämli nie bhauptet, dass Deil vo Kroatie oder Bosnie zur Bundesrepublik Jugoslawie ghöre. Dass er einewäg de Drootzieher gsi isch, isch e andri Sach. De Abschnitt dunkt mi eifach e chly arg wie nationalistischi Propaganda, bsunders des mit ohni Gwehr. D jugoslawischi Volchsarmee het wie gsait zue eine vo de am beschte ussgrüschtete Armee vo Europa ghört. --Terfili 10:56, 19. Sep. 2010 (MESZ)[Antwort gee]

I glaub i ha in Bezug uff "Serbischi Krajina" un "Rep. Srpska" öbbis falsch verstande. I ha gmeint, die säie uff em Gebiet vu Serbie gläge. Tschuldigung für des Missverständnis ...

Wänn sin die Chrieg gege Bosnie un Kroatie gsi? Vor 1992? Un wär genau hät gege d'Bosnier/Kroate gchämpft, Jugoslawie odder numme d'"Serbe"? --Strommops 11:08, 19. Sep. 2010 (MESZ)[Antwort gee]

Also ich versuech de komplexe Sachverhalt zämmezfasse. Slowenie, Kroatie, Bosnie un Mazedonie hen 1991/1992 ihri Unabhängigkeit vo de Volchsrepublik Jugoslawie erklärt. Übrig blibe sin Serbie un Montenegro, wo sich deno Bundesrepublik Jugoslawie gnännt hen (syt 2006 sin es eigeständigi Staate). Bal druff hen d Serbe vo Kroatie un Bosnie ihri Unabhängigkeit vo Kroatie (Republik serbischi Krajina) un Bosnie (Republika Srpska) erklärt, hen sich aber nit de Bundesrepublik Jugoslawie aagschlosse. D jugoslawischi Volchsarmee, also d Armee vum Gsamtstaat, het 1991 no versuecht, d Eiheit vo de Volchsrepublik z erhalte. Scho am Änd vo 1991 aber het si de fakto uff de Syte vo de kroatische un bosnische Serbe kämpft bzw es isch praktisch e Armee gsi, wo kei Staat mee gha het, wyl au d Bundesrepublik Jugoslawie d Unabhängigkeit vo Kroatie, Bosnie usw akzeptiert het. 1992 het d Volchsarmee sich de uffglööst: offiziel sin die Soldate, wo uss Kroatie un Bosnie gsi sin, dört blybe un hen wyter gäge d Kroate un Bosniake kämpft, un die Soldate wo uss Serbie un Montenegro gsi sin, sin uss Kroatie un Bosnie zruggzoge worde. Freili het d Bundesrepublik Jugoslawie (= Serbie un Montenegro) d Serbe z Kroatie un Bosnie wyter unterstützt. --Terfili 12:14, 19. Sep. 2010 (MESZ)[Antwort gee]

Also ich cha mer guet vorstelle, dass 1991/1992 no Ungare bi de Volchsarmee kämpft hen, wyl joo alli Völcher vo Jugoslawie in de Volchsarmee Wehrdienscht gleischtet hen. Mit e Grund, dass d Volchsarmee z Slowenie un Kroatie dermasse versait het, isch joo au gsi, dass z.B Albaner oder Mazedonier überhaupt ke Grund gsänne hen, ihr Läbe z riskiere zume d Unabhängigkeit vo Slowenie z verhindre. De Wehrdienscht däti de aber nit eso als e Zwang gegenüber de Minderheit darstelle. Viili hen es au änder so gsänne, dass ihne jetz ändli e Karriere im Staatsdienst offe stoot. Eini vo de erschte Massnahme vum Milosevic isch 1992 de au gsi, d Albaner un sunschtigi Minderheit uss de Armee z entloo. --Terfili 12:24, 19. Sep. 2010 (MESZ)[Antwort gee]

Slowakei un Rumänie[Quälltäxt bearbeite]

Die beide Absätz sin no e weng reisserisch gschrybe, un mer sött die bi Glägeheit überarbeite. Uff de englische Wikipedia git's zwei zimli ussfierlichi un i glaub au ussgwogeni Artikel dezue: en:Hungarians in Slovakia un en:Hungarians in Romania. --Terfili 22:08, 11. Apr. 2011 (MESZ)[Antwort gee]

Extärni Link gänderet[Quälltäxt bearbeite]

Sali Mitautore,

Ich haa 1 extärni Link uf Ungarische Minderheiten gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

s Archiv https://web.archive.org/web/20141009023107/http://www.huncor.com/delvidek4445/delvidekindex2.htm in http://www.huncor.com/delvidek4445/delvidekindex2.htm yygfiegt
Hiiwys {{Toter Link}} zue http://www.krater.hu/pprint.php?print=102&PHPSESSID=086c47ea596fafd2ed0f5f10ca1a0262 zuegfiegt