Diskussion:Rumänische Sprache

D erschte beide Abschnitt hen leider arg viili Fääler. Zum Byspil: "...wie di albanesische Elemänt bewyse". Zum eine kenn ich kei albanesische Sprooch, höggschtens e albanische (isch des en veralter Begriff?), zum zweite git es zwar Kognate im Rumänische un Albanische wo nüt-Romanisch sin, aber des het bisher leider wenig bewyse. Usserdäm isch e isolierte Sprooch e Sprooch wo kei verwandte Sprooche devo bekannt sin (z.B Baskisch), un nüt wie doo glaub bhauptet wird e Sprooch wo geographisch isoliert isch. Un was isch e "Innere Sprachform" un wiso isch die vum Rumänische äänlich wie die vum Albanische un Slawische?! Usserdäm widerspricht sich de Artikel ob mit Rumänisch doo s Dakoromänische im engere Sinn gmeint isch oder au d drei andre Balkanromänische Sprooche (Arumänisch usw). --Chlämens 15:11, 3. Dez. 2008 (CET)

Mid dr Verwandtschaft vo dr "Innere Sprochform" isch waarschyyns dr Balkan-Sprochbund (lueg doo) gmaind.--Holder 15:26, 3. Dez. 2008 (CET)

"Albanese" isch schints e veraltete Begriff für "Albaner", lüeg dritter Abschnitt vo de:Albaner#Ethnonyme. Di albanesische Elemänt bewyse, dass d Rumäne Kontakt zu de Albaner gha hän, d Sproch also im albanische Sprochgebiet entstande ßy müeß. D Zit hät dodemit nüt z düe, des isch richtig, do han i mich falsch formuliert.

Di inneri Sprochform ßin d Syntax, d Wändige und anders, lüeg do, ab de 20. Zyle. D Verwandtschaft chunnt vom Kontakt mit de Slawe/Albaner.

Dakorumänisch isch e Dialäkt vom Rumänische und zwar dä wo am meiste gschwätzt wird. Wo sihsch du e Widerspruch dodemit und meinsch du mit "Arumänisch" s Aromunisch? --Strommops ^Diskussion 19:06, 3. Dez. 2008 (CET)

Dyni Quelle bringe d Terminologi durenand: Mitem Begriff Rumänisch meint mer normalerwys im engere Sinn die Sprooch wo als Standardsprooch in Rumänie un Moldau Amtssprooch isch (Dako-Rumänisch). Glychzitig stoot de Begriff für alli viir Balkanromanische Sprooche, also ebe Dako-Rumänisch, Aromunisch (han es falsch gschrybe gha, mersi), Meglenorumänisch un Istrorumänisch. Ob des alles verschidni Sprooche oder doch Dialäkt sin isch wie so oft umstritte. Wonni z Albanie gläbt haa hemmer emool e aromunische Schuel bsuecht wo d Aromune sich ganz chloor als Romänisch-sproochig identifiziert hen.

Ich denk de Begriff "Innere Sproochform" isch entweder erfunde oder wenig bekannt. Ich find ufem Internet z.B des [1]. Des isch aber e fascht scho philosophische Hypothese wo bi däm Thema sicher nüt gmeint isch. Oder söll es heisse dass Romäne, Albaner un Slawe e verwandti Wältaaschauig hen?

Die Kognate zwüschem Albanische unem Romänische bewyse leider wenig über de Ursprungsoft vum Rumänische. Es wird aber wie du seisch vermuetet dass beidi Sproochgruppe ursprünglich in Kontakt gstande sin bzw dass s Rumänische eifach viil meh romanisiert worre isch wie s Albanische (dr Albanische Wortschaft isch zumene riesige Deil Balkanromanisch). Doo gits aber leider au Meinige wie Sand am Meer, wo dezue au noo dr üebliche Nationalismus dezuechunt wo e Objektivität oft schwer macht.

Ganz falsch isch d Darstellig i denne Absätz also nüt! Aber ebe e weng verzerrt un halbwoor doogställt. Meyers Großes Konversations-Lexikon vo 1905 (!) dät ich uf kei Fall als einzigi Quelle nää. --Chlämens 21:51, 3. Dez. 2008 (CET)

Ich ha d Abschnitt #Gschicht und #Dialäkt mithilf vo de andere Quälle überarbeitet. I hoff, 's stimmt jetz alles. --Strommops ð 15:58, 8. Dez. 2008 (CET)

Extärni Link gänderet[Quälltäxt bearbeite]

Sali Mitautore,

Ich haa 2 extärni Link uf Rumänische Sprache gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 14:23, 9. Sep. 2017 (MESZ)[Antwort gee]