Diskussion:Kimmerier

Ukraine

Goots no? Wa hend d Kimmerier mit Ukrainische Gschicht z tue? Dascht e föllige Anachronismus! --al-Qamar (Diskussion) 17:54, 16. Nov. 2023 (MEZ)

Ums echli uusfüerlicher zmache: D Kimmerier hend i de nordpontische Steppi glebt, aso dai wo hütt d Ukraine litt. Si hend o uf de Krim glebt, wo im Moment zu Russland ghört (isch nunemole ase). Si sind öber de Kaukasus zoge is urartäische Riich, wo i de Antiiki vo Armenier besidlet woren isch. Si hend d Meder agriffe, wo im hüttige Iran gwont hend, und Assyrie im hüttige Irak und sind denoo meriri Joorhzeet uf de anatolische Halbinsle umzeoge und hend debii oo griechische Städt aagriffe: Aso: ukrianischei, russischi, georgische, armenischi, iraanischi, irakische, griechischi und vor alem türkischi Gschicht!

Dezue: Me hend Artikel öber d Taurer und Krimgote, wo uf de Krim glebt hend, dezue Ostgoote, Hunne, Skythe, Alaane, Aware, Chasare, Tatare, Bulgare, etc. wo ali i de nordpontische Ebeni (ond uf de Krim) glebt hend. Nöd vergesse d Wikinger/Waräger wo Endi 9. Joorhundert s Kiewer Riich bigründet hend. Tail fo de Krim und verschidnigi Stedt sind i de Antiiki vo Grieche bisidlet woore und hend zom Tail zom Röömische Riich ghört und no spääter zo Byzanz, abem drizeete Joorhundert sogäär zu Genua!.

Do chömed schomole echli fill Fölcher zäme, und s gitt no e paar mee, wo ufem Piet vo de hüttige Ukraine glebt und gherrscht ghaa hend. --al-Qamar (Diskussion) 12:26, 17. Nov. 2023 (MEZ)