Diskussion:J.P. Love/Archvi1

Wieso werden üseri Änderige im Titel immer und immer wieder zruckgsetzt?`Mir hend mehrmals versuecht de Titel zändere.

De Alti bitte useneh und NEU bitte nur no, J.P. Love - De Kultmoderator, Showmaschter, Schauspieler und Schlagerikone!

I wäri echt super dankbar wen meh das ändere chönti.

Danke!

Webmaschter www.jplove.de

Sali Webmaschter www.jplove.de.

Di Alemannisch Wikipedia isch kai Werbeplattform, wù mer chaa Wäärbeaazaige schalde. Im Titel iber e Person schdood nid e Wäärbeslogan sundere dr Künschtlername oder dr biirgerli Name. Nänd sich dr J.P.Love midlerwyyli mid Künschtlername "J.P. Love - De Kultmoderator, Showmaschter, Schauspieler und Schlagerikone!" oder isch syy Künschtlername alno "J. P. Love"? Noch dr Homepage isch s alno "J. P. Love", also blybd dr Titel! Wän iir wän Wäärbig mache mid eme kultige Slogan, no mien er des namen anderschd mache. mfg --Holder 14:12, 4. Mär. 2009 (MEZ)

Hallo Holder,

es goht mir nume um de Satz: De J.P. Love isch en Schwiizer "XCXCXYY-Darsteller" und Film-Koproduzent i de Erwachsenefilm-Branche. Er moderiert die täglich Gschröchssändig "Love ::Talk" uf em Privatsender U1 TV.

De Satz möchtemer änderen uf:

J.P. Love isch en Kultmoderator, Showmaschter, Schauspieler und e Schlagerikone!

Nadyyrli cha mer aber dr Inhalt ändere, d. h. wän dr J. P. Love midlerwyyli eender as Moderator schafd wie as Pornodarsteller, no sod des nadyyrli au im Artikel schdoo, aber nid mid Uusdrig wie "Kultmoderator" oder "Schlagerikone". In dr Wikipedia sod e Artikel neutral gschriibe syy ùn nid as Wäärbig. Ich haa d Yylaidig jez emol gändered. --Holder 14:32, 4. Mär. 2009 (MEZ) PS: E Darsteller in dr Erotikbranche isch no lang kai Schauspiiler, sorry ...

JPlove het jo bim Schwizerfernseh bi «Lüthi und Blanc» und «Café Bâle» Gaschtrolle gha. Darum au Schauspieler! :-) Mir würden eifach sehr gern das Pornodarsteller und Koproduzent useneh...

Da mit em U1 TV isch ebe au nüme aktuell. Darum hemer ebe agfange mit bearbeite vom Itrag.

Darum wäri richtig: J.P. Love isch en Kultmoderator, Showmaschter, Schauspieler und e Schlagerikone!

Nüme meh, nume das. :-)

Ich haa dr Schùz vù dr Syde wider ùfghoobe, aber bi Änderige Achdig gee, as es neutral formulierd isch, sùnschd wird s schnäl wider rùggängig gmachd. Im Iibrige: E Person, wù wie dr J. P. Love in dr Efendligkaid schdood ùn bekand isch, mues es uushalde, as im e Wikipedia-Artikel iiber e au Gschiichde us dr Vergangehaid schdeen, wùn er hid vilichd nimi gäärn hèèrd. Doo Informatione us dr Wikipedia lesche z wele, wird nid gäärn gsää ùn soonigi Syde wääre schnäl wider gschbèèrd.--Holder 14:48, 4. Mär. 2009 (MEZ)

Schwiizer Moderator, chame do au Kultmoderator mache, da JPlove diversi Kultsändige wie z.B. Lovetalk uf U1TV gmacht het. Und bitte nid Schlagersänger sonder Schlagermusicker, wäri besser? ISch das erlaubt?

S goht aber i eme Wikipedia-Artikel nöd drum, ob öpper e kultigi Sendig macht oder nöd. Es goht a dere Schtell um sin Job u der isch Moderartor, Kultmoderator isch nömlich kein Job, sondern e Wertig u wi de Holder scho gseit het, muess en Artikel Neutral si. --Brian 17:04, 4. Mär. 2009 (MEZ)

"Schlagermusiker" good nadyyrli, ich haa s scho gändered.--Holder 18:15, 4. Mär. 2009 (MEZ)

Hallo Webmaschter www.jplove.de.
Bitte hèèr ùf, in dä Artikel Wäärbig ùn Bravo-Infomatione a la "Dr J.P. LOVE isch bis wit über d Gränze zure Kultfigur gwachse wo me mues gärn ha." yynezschryybe. Des isch e Enzyklopädii, wù seriösi Informatione sode dryygschriibe wääre, un kai Wäärbesyde. Ùn as Du Informatione uusenimsch iber syyni Vergangehaid in dr "Erotikbranche", isch noch an ere Zensur. Esoo ebis wird in dr Wikipedia nid gäärn gsää.
Grues, --Holder 09:35, 9. Mär. 2009 (MEZ)

Ich ha dr Artikel überarbeitet und bitt dr Webmaschter vo jplove.de dringend, folgendi Syte z'läse: de:WP:NPOV und de:WP:BLG. Die Regle gälte au do! Das heisst, dass im Artikel keinerlei Wärtige zstoo hän, sondern nume Fakte. Die Fakte hän zuedäm beleit zsy mit Quellene - und i däm Artikel wird nüd beleit, nume bhauptet. --Dr Umschattig red mit mir 16:35, 9. Mär. 2009 (MEZ)

Dass im Übrige uf dr dütsche WP dr Artikel mehrfach glöscht worde isch (letschti Löschdisku) seit jo au scho öppis --Dr Umschattig red mit mir 16:38, 9. Mär. 2009 (MEZ)

Löschatrag

!!!!! Ist es möglich den JP Love Eintrag komplett zu löschen? Wir würden gerne diesen Eintrag löschen. Bei Rückfragen: chris.menzi@wgtop.ch, (Webmaster JPLove)!

Wiso genau wän ihr dä lösche? Des müeß scho e konkrete Grund ha, we mer e Artikel lösche wott. Und do längt wir würden gerne diesen Eintrag löschen als Begründig nit. --Strommops ð 14:42, 18. Mär. 2009 (MEZ)

Wil mer scho mehrfach versuecht hend de Text abzändere, mir hends mehrmals umgschriebe, aber de Text wird nid akzeptiert. z.B. isch üs sehr wichtig gsi, dass bim Titel das mit em

Pornostar und Erwachsene Film usechunt. Mehrmals wieder zruggversetzt worde.

Und folgende Text hemer welle inetue, ihr chönd de au passe und abändere, aber UNBEDINGT nüme de Alti Text:

J.P. Love (richtige Name Jean-Paul L.) isch lang Bänker gsi u bis is Jahr 2004 het er aus erfolgriche Devisebroker gschaffet. Im Jahr 1995 isch er bimene internationale Finanzunternäme zum Diräkter beförderet worde. Dr J.P. LOVE het näbebi wärend viune Jahr im Stadttheater Bärn als Chlidarsteller gwürkt und über 200 verschideni Roue gschpiut. Er het o Gaschtuftritte i dä Fernsehseriene Lüthi und Blanc sowie Cafe Bale ka. Er het o i viune Chinofiume mitgspiut (z.B. Kleine frieren auch im Sommer , Konfrontation, Tell usw.)

Dr J.P. LOVE het sech im Jahr 2004 wöue verändere u het be sim damalige Arbeitgäber kündet.

Im Novämber 2005 isch er dür zuefall id Erwachsenefilmbranche grütsch (3 Awards). I dä Jahr 2007 u 2008 het dr J.P. LOVE bim Fernsehsänder Schweiz 5 ex U1 tv über 800 schous moderirt. Dr Lovetalk wo er moderirt het, het richtig Kultstatus erreicht. Dr J.P. LOVE het dr Titel Kultmoderator übercho. Aendi Dezämber 2008 het sech dr J.P. LOVE vom Sänder trennt. Me cha dr J.P. LOVE mängisch o uf Telebärn und uf andere Sänder SAT 1, PRO 7 RTL, VOX usw. gseh.

Dr J.P. LOVE isch o i viune Talksändige iglade z.B. Tele Züri Tele Bärn SF 1 Aeschbacher usw. u isch o viu idr Press azträffe. Od radiosänder wei ab und zue es interviu vom J.P. LOVE.

Vom 22.1.2009 bis 31.1.2009 het dr J.P. LOVE erfolgrich ä Wäutrekord im Dursitze gschafft. Dr J.P. LOVE isch Wäutmeischter.

Aendi 2010 söt ä Dok-Spiufilm vom J.P. LOVE usecho (für Fernseh u Kino)

Dr gross Troum vom J.P. Love isch immer ä Kariere aus Sänger azga und siehe da im Jahr 2008 het er drmit agfange

Dr J.P. LOVE isch bis wit über d Gränze zure Kultfigur gwachse wo me mues gärn ha.

Düet mr Leid, aber des soll e neudrale Artikel ßy, des heißt Wertige wie Dr J.P. LOVE isch Wäutmeischter ..... Kultfigur wo me mues gärn ha usw. ßin nit erlaubt. Usserdëm sott de Artikel nit eifach Fakte verheimlige, wo de JP Love villicht nit do dinne ha wott (vgl. Pornostar). Des alles hät dr de Holder übrigens scho gsait und wenn dr d Site de:Wikipedia:Neutraler_Standpunkt gläse häsch, no sott dr des doch eigenlig chlar ßy. Und dass du einzelni Deil vom Artikel dusse ha wottsch, zällt au nit als Löschgrund. --Strommops ð 15:31, 18. Mär. 2009 (MEZ)

PS: Lüeg de:Löschregeln; dört stönn am Afang drei Vorussetzige für e Löschig: kei Relevanz, schlächti Qualität und Urheberrächtsverletzig. Und do de Artikel die nit erfüllt, isch er nit löschwürdig. --Strommops ð 15:35, 18. Mär. 2009 (MEZ)

Gsähn ich des richtig, dass de JP Love (oder wer au immer) z erscht bemüeht isch gsi, dass es en Artikel über ihn git (uf de dütsche isch er jo glöscht worde) un jetzt schint em sini "Porno"-Vergangeheit peinlich zsi? --Brian 16:34, 18. Mär. 2009 (MEZ)

Ich find, esoo wichdig isch dr J.P. Love au wider nid, as mir dää Artikel ùùbedingd mien bhalde, Porno-Vergangehaid hii, Moderator-Gegewart häär ... --Holder 16:39, 18. Mär. 2009 (MEZ)

Nei, dr JP Love isch eigentli sogar zimli unwichtig. C-Prominänz halt, höchschtens. ABER: Mr hän en Artikel vo ihm (ev. sogar vo ihm oder sim Umfäld agleit) und mir sin enzyklopädische Grundsetz verpflichtet. Wenn öpper en Artikel piinlig isch, hetti er sich das selle überlegge, bevor er dr Artikel erstellt het resp. die piinlichi Tätigkeit usgiebt hett. Dr JP Love hett halt e Porno-Vergangeheit resp. er isch sogar nume dur das bekannt worde. Also ghöörts in Artikel. Neutral, usgwoge. Ich bi drumm gege s'Lösche, nume scho us Prinzip. Das wär jo s'Dümmschte, wo mr mache kennte. Mir sin unabhängig! Persönlichkeitsrächt sind au kener verletzt. --Dr Umschattig red mit mir 17:48, 18. Mär. 2009 (MEZ)

Ich geshnes wi dr Umschattige. Wichtig isch de Artikel als solcher wirklich nöd, aber es isch wi-n-es isch ... Schönfärberei gits in ere Enzyklopädii nöd. --Brian 19:11, 18. Mär. 2009 (MEZ)

Was geit da uf dä 2 klassige wikipeda eigentlech ab wo blibt eue respäkt? Bitte ufpasse mit eune ussage. Nomau entweder düet dir dr nöi text wo mi webmaschter inata het sofort widr ine oder löschet sofort eue absolute miserabel unproffesionel und voralem mit unwarheite gschribene text oder löschet das alemanische Wikapedia vo mir. Nomau wo blibt eue respäkt i be schockirt

J.P. LOVE

Beleidigunge (2 klassige wikipedia, Vorwurf vo fehlender Reschpekt) führend vermuetlich ehnder zu Trotzreaktione. E konschtruktive Lösig finde mir so nöd.

Wenn du dich scho sälber meldsch JP Love, dann chöi mir di Sach jo offe diskutiire:

1. Dass in ere Enzyklopädi (egal ob erscht oder zweitklassig) en neutraler Schtandpunkt muess iognoh werde, do si mir ois hoffentlich einig. "Kultmoderator" als "Tatsachebehauptig" goht dann ebe nöd.

2. Wenn du mol Pornodarsteller bisch gsi, dann gits kein Grund des hiir z lösche, gliich ob dir des in de Zwischeziit pinlich oder sonst öppis isch. Me chönnt höchschtens schriibe, dass du dich vo dem Läbensabschnitt duesch dischtanziire, falls des de Fall isch (aber do brüücht es anderi Quelle als en Iitrag hir mit ere IP-Nummer wo eifach JP Love drunterstoht)

3. Der Artikel isch hüfig vo de selbe IP bearbeitet worde. Ich vermuet, dass du oder dis Umfeld dodehinter schteckt, jedenfalls bezeichnet sich de IP-Inhabe als Webmaster vo dinere Homepage. (Lueg do). Genau di gliich IP het aber die Sach mit de Porno-Film erscht innebrocht un de Artikel zu dem gmacht, was er hüt isch.

Es mag schwirig für dich si des so z akzeptiire, aber ich gsehne bim beschte Wille kein Grund den Artikel z lösche oder en so verändere, dass er de neutral Schtandpunkt duet verlah. --Brian 11:06, 19. Mär. 2009 (MEZ)

Weiss ned ob du mini antwort übercho hesch wenn ja bitte duemers besätige danke Schinbar hets ned klappet auso sorry be ä chli heftig gsi auso i be dür d erotik is fenseh cho u dürs fernseh zum singe. I möcht bitte dass du ä änleche test inetuesch wi dr nöi text wo me webmaster dri ta het u ned irgendöppis wiu das wo jetzt drine steit........... und nomau c klassig........... I ha nie gseit dass i mit dr erotik ufghört ha . aber es het ke prioritöt me. Wenn irgend ä frag isch chasch du mir jederzit uf 079 300 52 aläte ok?

J.P.

Was für e Antwort? Hesch es per Mail probiirt oder was meinsch?

Es spricht nüd degäge im Artikel Prioritäte andersch z sätze, wen du bim Schaffe anderi Prioritäte hesch. Es derf eifach nöd de neutral Schtandpunkt verletze. Ich gabs zue, des isch - bsunders we ma über sich sälber schriibt - nöd eifach. Wenn ich erhlich bi han ich im Moment z wenig Ziit um mich dodermit z befasse, aber ich lueg mas bi Glägheit emol aa. Du (oder din Webmaschter) cha au gärn hir uf de Diskussionssite no emol an (neutral formuliirte) Vorschlag mache. --Brian 11:34, 19. Mär. 2009 (MEZ)

Los jetz i ma o nümm due bitte dr text wo jetz dine isch lösche bis mer ä lösig finde i wär dir dankbar beschte dank

Werte JP Love, ich bitt dich dringend, folgendi Site z'läse: de:WP:ED und de:WP:NPOV. Die Grundsetz vo dr dütsche Wikipedia gälte au do. Dr Brian hett dir obe scho uffzeigt, dass die gliich IP die Inhält, wo jetz use selle, sälber ynegstellt het. Jä was jetzt? Wikipedia isch halt ebbe kei Plattform zum sich so präsentiere wie me gärn hett, sondern es isch e neutrali Darstellig. Mit de Vor- und Nochteil. Du seisch, es hegi Sache im Artikel, wo nid stimme würde. Bitte säg konkret, was nid stimmt und due das dur e neutrali ussestehendi Quelle belegge. Denn chönne mrs au usenee. Do die Infos i däm Artikel aber hauptsächlich durch dis Umfäld überhaupt erscht yne koo sin, isch es nid aznee, dass d'Infos falsch sin. Evtl. sin si veraltet, aber au das isch e ke Grund zum Lösche. Wie gseit, liis de:WP:ED, de wirdsch erstuunligi Parallele erkenne. Fründligi Griess --Dr Umschattig red mit mir 14:03, 19. Mär. 2009 (MEZ)

---

{{Löschen}}

Völlig unwichtige und unbekannte Selbstpornodarsteller ooni Relevanz. Glichzittig mitem Lösche mue au s Lemma "JP Love" gsperrt werde, do di beschribnig Person offesichtlich d WP för Selbstwerbezweck missbrucht. Lueg Diskussion. --al-Qamar 15:26, 19. Mär. 2009 (MEZ)

Yspruch, lueg Begründig --Dr Umschattig red mit mir 16:05, 19. Mär. 2009 (MEZ)

---

I ha emole d Löschdiskussio vom Artikel JP Love i de tütsche WP aglueget [1]. De Löschgrund "Irrelevanz", mue aber för üs nöd gelte, do mer anderi Kriterie hend, grad wenns um "Alemanne" goot. De Artikel isch denn am 16. Februar 2008 glöscht wore. Und jetz chunnt de Hammer: Am 11. März 2008 isch de Artikel noi erstellt wore, denn aber Schnellglöscht (ohni Diskussion) wore mit de Bigründig: “Als WG schnellgelöscht” [2]. I ha mer d Müeh gno, d Homepage vo dem Pornostar azluege und hets besser lo sii lo, zimmli schmudeligi Sach: würkli kann Pronostar?? S isch aber klar, as de JP Love nöd zu de Prominez ghört, höchstens gern tät (sovill zum selbstdarsteller). I find, me cha de Artikel lösche, aber glichzittig werd s Lemma gsperrt und s git denn kann noije Artikel me öber de völlig unwichtigi Pornostar, wo offesichtlich d WP för Aigewerbig missbruche tuet. --al-Qamar 15:23, 19. Mär. 2009 (MEZ)

Im Prinzip hesch völlig rächt. Mir si grosszügig, was Relevanz aabelangt u des find ich au guet so, grad wenns um Lüt us em alemannische Sproochruum geit. Aber wenn öpper s Gfüehl het er cha sich hiir darstelle wi u so langs im sälber passt, u dann - wenns ebe nöd so lauft wi ghofft/gwünscht alles wot glöscht ha, do bi-n-ich nöd sicher ob ich ihm den Gfalle wot due. Aber an sich ligt mir a dem Artikel gar nüd u ich ha au nüd gäge e Löschig. --Brian 15:39, 19. Mär. 2009 (MEZ)

ich bi gege e Löschig und zwar us 2 Gründ: Erschtens us de Gründ wo dr Brian gnennt het, zweitens aber will dr JP Love sehr woll relevant isch: Är het e relativ dominierendi Stellig bim Schwiizer Sänder U1 TV gha (mit sinere Sändig Love Talk) und durchuus e gwüsse Widerhall au in seriösere Zytige (u.a. s Magazin vom Tagesazeiger). Über d Qualität vo däm, woner macht, sag ich jetzt lieber nüt, aber uff das settis nid akoo. Wenn mir ihn würkli für irrelevant erkläre, denn hett JEDES ALEMANNISCHE KLEITHEATER kei Chance, uffgnoo z'wärde, wills zwenig bekannt isch. --Dr Umschattig red mit mir 16:04, 19. Mär. 2009 (MEZ)

I bi au gege d Löschig. Ich weiß nit genau, wie bekannt de JP Love isch, aber mol dodevo abgseh wär's au nit nätt gegenüber im Odin, wo de Artikel aglegt hät. Dezüe chunnt, dass i noch wie vor nit verstand, wiso du, JP Love, bzw. dy "Webmaster" dä Artikel lösche/bereinige wott; wenn i mir dini Internetsite alüeg, no siht's nit grad denoch us, dass du dich vo diner Karriere als Pornodarsteller distanziere wottsch, also begründ bitte konkret, was am Artikel falsch isch (aber: Neudralität beachte!). --Strommops ð 16:22, 19. Mär. 2009 (MEZ)

Hallo hie isch nomau dr J.P. Love es isch doch unwichtig wi bekannt da s i be u du hesch me ja eh als c promi betitelt aber das isch ja glich. Nomau dä text wo dir im wikipedia gschribe heit isch unrichtig und ds wäsentleche fäut z. B. ds singe usw. Lis doch mau was dir me webmachter gschickt het und verglich mit euem öiem text. Auso bitte nomau düet dä text lösche. Dä text schadet mir meh aus är mir hiuft. Sit wuchene dä stress ungloublech. Wär doch o schön wenn i dä stress nüme hät danke J.P. LOVE

'S isch nit de Zwäck vo de Wikipedia, dir z nütze, indem si e unneudrale usw. Tekscht bräsentiert; ich sag's no mol, mr mien Datsache berichte und nit für dich wärbe oder so. 'S düet mr Leid, wenn du Sträss häsch und d Wikipedia soll dr bstimmt nit schade, aber wie mr dir alli scho erchlärt hän, sotte mr halt bi de Datsache blybe.

Vom Singe stoht übrigens im Tekscht vo dinem Webmaschter nüt. Du chasch jo mol uff derre Diskussionssite e baar Sätz über s Singe schrybe; wenn si d Richtlinie yhalte, cha mer si in de Artikel yfiege. --Strommops ð 16:02, 20. Mär. 2009 (MEZ)

No wäg em C-Promi: Sorry JP Love, i ha di nid welle beleidige. Aber es isch doch so, dass du im Erwaggsenefilm dütli weniger bekannt bisch als d de:Gina Wild oder bi Moderatione z.B. wie dr de:Sven Epiney. Und trotzdäm sin au die Lüt im internationale Vergliich zimli unbekannt. Wenn di jetzt frogsch, wiso ich dich trotzdäm für relevant halt: Jänu, d Schwiiz isch halt glai, und dementsprächend längt au e bescheideneri Präsenz. Und für die hesch sälber gsorgt. Wägem schade und so chan i uff das verwiise, wo dr Strommops gseit het und - nomoll - uff de:WP:ED, wo vor genauso Folge warnt. --Dr Umschattig red mit mir 19:35, 20. Mär. 2009 (MEZ)

I bis nomau dr J.P. Love nomau zum text i däm text si vo mir us gseh nur banli sache erwähnt und der erscht satz isch FALSCH. Bitte wenigstens dä satz lösche. Wägem singe bitte schribe: J.P.LOVE s buebetroum isch immer ds singe gsi und siehe da im jahr 2008 het er erfolgrich mit ere sängerkariere agfange. Das ganze geit ja um me und i muess ja happy sie.

Ich ha de Satz über s Singe übernoh (und e bitz neudraler formuliert). Was genau isch denn im erschte Satz no falsch? --Strommops ð 21:38, 23. Mär. 2009 (MEZ)

- Hie isch no mau dr J.P. Love Was söu dä satz unter Allem. Wik............aus wärbezwäcke ............ ungloublech. - i würd säge düet das lösche bitte wiu jetzt isches vo mir us guet nume im erschte satz bitte schribe Im Jahr 2006 isch dr J.P. LOVE id d erwachsenefiumbranche inegrütscht ( 3 Awards) - I wot doch ke wärbig mache i möcht nume das aues meh oder weniger richtig isch. - Schöns wucheände J.P.

Des mit de Erwachsenefilmbranche stoht doch scho dinne, nämlig im Kapitel #Läbe (3. Absatz). Ich ha no 2006 gschrybe (vorher isch Novämber 2005 gstande). lG, --Strommops ð 19:50, 27. Mär. 2009 (MEZ)

Hallo hie isch no mau dr J.P. Love jetz bini fasch vollkome happy. Merci viumau . Es isch nume no öppis wo ned ganz richtig isch dr satz dr J.P. love isch früener................. Chaschmer dä satz bitte no lösche wiu eigentlech hani ja no ned ganz ufghört mit dä erwachsenefiume. I dr rubrik Läbe isches o richtig erwähnt. Härzleche Dank für öi bemüige Liebi Grüess J.P.

Nomau dr J.P. Love hie wi ig scho am 29.3 obe gschribe ha es isch tip top nume de satz dr J.P. Love isch früener...... isch ned richtig wiu i ja no ned ganz ufghört ha mit de erwachsenefiume. U unter rubrik läbe isches ja o richtig erwähnt. Nomau härzleche Dank. J.P. Love