Diskussion:Albert Hofmann

Wieso lösche?

In ere käufliche Enzyklopädi findet mer iber vili Lit au nit meh.

Mer erfahrt wo er herkummt, inzwische uralt isch, e Schwizer isch, dass er s'LSD entdeckt het un dass er es au an sich selber usprobiert het. Die Sätz sin zimlich informativ. Es könnt zwar meh si, aber ehrlich gsait, vil meh blibt eh nit iber ebberen im Kopf hänge, oder?

Nejlich hab i bi Spiegel-Online oder bi heise.de gläse, dass bi eme Verglich vu Wikipedia un käufliche Enzyklopädie bi dr Wikipedia die witschweifig Längi vu dr Artikel bemängelt worre sei.

Ich find e usgwoges Verhältnis vu lange, mittellange un au emol sehr kurze Artikel gar nit schlecht. Es ladet zum Blättere i, wemmer nit immer gli erschlagend langi Essays vor sich het, sundern au emol ebbis kurzes.

Ich weiß, dass ich als Linux-Anwender, wo mit Firefox mit Adblock unterwegs isch, nit fier dr durchschnittlich Internetnutzer repräsentativ bin, aber ich blätter au scho emol in andere kleinere Wikipedias iber die zuefälligi-Site-Funktion, und dann find ich e gwissi Abwechslig vu lange un kurze Theme, vu Exote, wo nit zum Profil passe, wie au zue Artikel mit klarem regionale Bezug recht anregend. Un ich find uns im Verglich zue andere au nit schlecht.

E alemannischi Wikipedia sott jo d'Lit zum Blättere arege un au dr eind oder dr ander zum Mitmache. Ich hab mich an dr Stammtischdiskussion iber s'Lösche vu z'kurze Artikel nit beteiligt, aber ich find, ihr Admins schiesse do iber s'Zil wit nüs. --W-j-s 18:21, 20. Dez. 2007 (CET)

Es git en wichtige Unterschied zwüscheme guete Stumpe (gege die hemmer jo nüt) wo grad s wichtigscht dinne stoot un viilycht ab eme halbe Absatz lang isch, un eme schlächte Stumpe wo us 2-3 abghackti Sätz bstoot. Käuflichi Enzyklopedie münn sich absichtlich churz halte wyl do jeder Buechstab Gäld choschtet, des Problem hemmer Gott sei dank nüt. Un d Wikipedie i offizieli, wyt verbreiteti Amtssproche münn sich do kei Sorge mache wenn si viili Stumpe hen. I han no nie gsehe dass d französischi Wikipedia deswege als unzuverlässig bezeichnet worre isch wyl do en Grossdeil vo de Artikel Ortsstumpe vo Bots sin; mir sin aber i däm Punkt e lychts Ziil wyl bi üs au scho 10% Stumpe sofort uffalle. Un ohni üsri Löscherei wäre inzwüsche sicher über 40% [schlächti] Stumpe. Usserdäm muessi sage dass wenn e Autor kei fümf Sätz zämmebringt ich em au nüt züetrau dass er überhaupt e Ahnig vum däm het wonner drüber schrybt. Im übrige wärs besser du nimmsch a Diskussione teil aastatt mer ignoriert si. Mer sin nämli offener un toleranter als du viilycht denksch;---Chlämens 19:13, 20. Dez. 2007 (CET)

Ich hab in dr ledschde Zit eigetlich numme wiider agfange, in dr Wikipedia z'schaffe, um eso dr Stress im Beruef abzbaue. Es isch e guete Wäg gsi, Fruscht abzbaue un dr Kopf wiider frei z'kriege, indem ich mich intensiv mit ebbis ganz anderem wie dr eigene Arbet ernschthaft beschäftigt ha, wo aber uf dr andere Site dr eigene Arbet strukturell au nit so unähnlich isch. Es het eim uf anderi Gedanke brocht, un eweng Heimet- un Landeskunde ka nit schade, scho gar nit bi minem Beruef. Ganz im Gegeteil, ich hab e beruefliche Vorteil, wenn ich iber d'Strukturdate vu dr Region zwische Vogese un Bodesee guet Bscheid weiss. Un Ortsartikel ins Alemannisch z'ibertrage oder azlege sin e sehr guete Wäg, sich säll Wisse z'erarbeite.

Fier Diskussione hab ich in ledschder Zit vor allem kei Nerv gha. Mini Nerve lige noch immer eweng blank un ich hab in dr ledschte Zit scho öfters d'Beherrschig verlore un mich iber Sache ufgregt, woriber ich mich eigetlich nit ufrege sott, wil's eh nit bringt.

Dr Stress isch jetz langsam rum. Aber es sin noch immer iber 900 Gmeinde im Elsiss ohni eigene Ortsartikel...

Ich halt eich ibrigens scho fier tolerant: Ihr hän mich jo no nit zum Deifel gjagt, oder?

Un leg mi Gschribsel nit uf d'Goldwoog! ;-) --W-j-s 23:58, 20. Dez. 2007 (CET)

I machs änlich, numme ischs bi mir i so fern e weng andersch dassi am meischte a dr Wikipedia schaff wenni grad viil wichtigeri Sache mache söt. Im Änglische gits do en wunderschöns Wort: procrastination. Un über d elsässer Ortsartikel machi mir kei Sorge, des bruuch jo nüt vo eim Dag uf de näggscht fertig sy. Am Strossburger Münschter hen si au e paar Joorhundert dra bauet. --Chlämens 03:58, 21. Dez. 2007 (CET)

Extärni Link gänderet

Sali Mitautore,

Ich haa 5 extärni Link uf Albert Hofmann gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

s Archiv https://web.archive.org/web/20071016105743/http://www.3sat.de/denkmal/aufloesung/81398/index.html in http://www.3sat.de/denkmal/aufloesung/81398/index.html yygfiegt
s Archiv https://web.archive.org/web/20120325100522/http://www.gruenekraft.com/permalink%3Agz150.html in http://www.gruenekraft.com/permalink%3Agz150.html yygfiegt
s Archiv https://web.archive.org/web/20111114045859/http://www.gruenekraft.com/permalink%3Atcd14.html in http://www.gruenekraft.com/permalink%3Atcd14.html yygfiegt
Hiiwys {{Toter Link}} zue http://www.lycaeum.org/books/books/my_problem_child/ zuegfiegt
s Archiv https://web.archive.org/web/20071106110537/http://www.br-online.de/wissen-bildung/kalenderblatt/2007/04/kb20070418.html in http://www.br-online.de/wissen-bildung/kalenderblatt/2007/04/kb20070418.html yygfiegt
Hiiwys {{Toter Link}} zue http://www.omananda.com/media/video/AHFS.mov zuegfiegt
s Archiv https://web.archive.org/web/20080101022450/http://www.psychedelic.ch/html/multimedia1.html in http://www.psychedelic.ch/html/multimedia1.html yygfiegt