Der Schuh des Manitu

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Filmdate
Dütsche TitelDer Schuh des Manitu
OriginaltitelDer Schuh des Manitu
ProduktionslandDütschland, Spanie
OriginalsproochDütsch
Erschiinigsjoor2001
Lengi82 Minuten
Extra Large: 88 Minute
AltersfreigoobFSK 6[1]
Stab
RegieMichael Herbig
DräibuechMichael Herbig
Rick Kavanian
Alfons Biedermann
Murmel Clausen
ProduktionMichael Herbig
Michael Wolf
MuusigRalf Wengenmayr
KameraStephan Schuh
Eddie Schneidermeier (EL)
SchnittAlexander Dittner
Bsetzig

In chliine Nääberolle

Der Schuh des Manitu isch e Film, wo 2001 entstande isch as Parodii vo de Karl-May-Verfilmige in de 1960er Joor. 11,7 Millione Lüt häi en im Kino gsee und er het 65 Millione Öiro Umsatz an de Kasse gmacht und isch äine vo de erfolgriichste dütsche Film sit em Ändi vom Zwäite Wältchrieg.[3] Der Schuh des Manitu vo Constantin Film isch am 13. Juli 2001 zum erste Mol im Kino zäigt worde und am 7. Merz 2004 im Free-TV. D Rächt für s Färnsee het ProSieben.

Dr Film isch as e relativ chliises Projekt under dr Reschii und in dr Brodukzion vom Michael „Bully“ Herbig entstande, wo au dr Hauptverantwortlig für s Dräibuech isch und no zwäi vo de Hauptrolle gspiilt het. Anderi wichdigi Rolle häi dr Christian Tramitz, dr Sky du Mont, d Marie Bäumer und dr Rick Kavanian. S Grundkonzept für e Film het dr Herbig von ere Sketschserii in sinere Comedy-Färnseesändig Bullyparade übernoo.

Dr Film parodiert d Karl-May-Verfilmige mit em Pierre Brice und em Lex Barker in de Hauptrolle as Winnetou bezieigswiis Old Shatterhand. Er het au bi de Italo-Western abkupferet.


Figure[ändere | Quälltäxt bearbeite]

Dr Abahachi, dr Apatschehöiptling, isch woorschinlig nid nume e Wortspiil uf „aber hatschi“, sondern vom Naame häär vor allem e dobbleti Aaspiilig uf Winnetou und das Halbblut Apanatschi, en Original-Karl-May-Film us de Sächziger Joor, und spiilt au uf en anderi Figur us em Karl May sine Büecher: dr Hadschi Halef Omar.

Dr Naame vo sim Bluetbrueder Ranger erinneret an dr Daarsteller Stewart Granger, wo in drei Karl-May-Verfilmige dr Old Surehand verkörperet het. Usserdäm isch er en Aaspiilug uf en amerikanischi Westernfigur, wo „Lone Ranger“ häisst. Dr Lone Ranger isch au im Ufdraag vo dr Grächtigkäit underwägs, mäistens begläitet vo sim indianische Fründ Tonto.

Dr Winnetouch, im Abahachi si homosexuelle Zwillingsbrueder, persifliert dr Winnetou. Si Puder Rosa Ranch, wo zur Beauty-Farm umbaut worde isch, isch en Aaspiilig uf d „Ponderosa-Ranch“ vo dr Familie Cartwright us dr TV-Western-Serii Bonanza.

Dr Santa Maria isch e Immobiliehai vu Wyoming. Där het däm Abahachi ä Schtammlokal vokauft, wu nuer d Vordersyt gschtônde isch. Deno het er de Kredtigäber vun de Schoschone verschosse un de Abahachi bi dänne ôgschwärzt. Schpäter isch er tragisch umkumme. Sinner Brueder Santa Claus verteilt bis hit Gabe ôn d Kinder, um d Sünde vun sinem Brueder z sühne.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Freigabebescheinigung (PDF; 38 kB) der FSK
  2. Freigabe der Jugendmedienkommission
  3. InsideKino: Die Wahrheit über „Der Schuh des Manitu“
Information icon.svg Dä Artikel basiert uff ere fräie Übersetzig vum Artikel „Der_Schuh_des_Manitu“ vu de.wikipedia.org.

E Liste vu de Autore un Versione isch do z finde.