Demokrit

Us der alemannische Wikipedia, der freie Dialäkt-Enzyklopedy
Dr Demokrit, Chupferstich noch ere antike Büste, 18. Joorhundert
Dr Demokrit, Gmäld vom Antoine Coypel (1692), Louvre

Dr Demokrit vo Abdera (altgriechΔημόκριτος, Dēmókritos; * 460/459 v. d. Z. z Abdera in Thrakie; † vermuetlig im früeje 4. Joorhundert v. d. Z.) isch e antike griechische Filosoof gsi. Er ghöört zu de Vorsokratiker und gältet as dr letscht grooss Naturfilosoof. Dr Demokrit isch e Schüeler vom Leukipp gsi und het in sinere Häimetstadt Abdera gläbt und gleert.

Lääbe[ändere | Quälltäxt bearbeite]

Abdera, wo dr Demokrit uf s Wält cho isch und gläbt het, isch e ionischi Kolonii in Thrakie gsi. Dr Demokrit het riichi Elteri und mit sim Vermööge isch er wit ume gräist.

Vo sine Schrifte si nume no Fragmänt übrig. Es git aber e Verzäichnis vo dine Schrifte und das zäigt ass er e Verständnis vom ganze Wüsse vo sinere Zit gha het.

Sini Zitgenosse häi em dr Übernaame dr „lachend“ Filosoof gee. S Ziil vo sinere Leer isch gsi, ass d Seel dur d Theorii vom Wääse vo de Ding in e häiteri Stimmig chiem. Däm Gliichmuet het er „Euthymia“ (wörtlig: Woolgmuethäit) gsäit und en as s höggste Guet bezichnet.

Dr Demokrit het e groosse Iifluss uf e Platon ghaa, au wenn dä iin niene mit em Naame erwäänt[1], und uf e Aristoteles, wo sini Leer usfüerlig undersuecht und zum Däil au seer kritisch beurdäilt het:[2]

Dr Demokrit isch vermuetlig im früeje 4. Joorhundert v. d. Z. gstorbe

Atomistische Materialismus[ändere | Quälltäxt bearbeite]

Wie si Leerer Leukipp[3], het dr Demokrit postuliert, ass die ganzi Natur us chliinste, undäilbare Äinhäite, de Atom, zämmegsetzt sig. Jedes vo dene Atom sig fest und massiv, aber nit gliich. Es gäbe unändlig vili Atom: rundi, glatti, unregelmäässigi und chrummi. Si underschäide sich aber nume in iirer Form und nid in iirer Essänz. Wenn d Atom zämmechömme, wurde die äinte as Wasser, anderi as Füür, as Pflanze oder as Mensch erschiine. D Seel wurd us Seelenatom bestoo und wenn e Mensch stärbi, wurde die Atom verströit und us ene wurde nöji Seele entstoo. Alles, was es gääb, chiem äntwääder vom Zuefall oder von ere Notwändigkäit.

Im Demokrit si Leer isch e konsekwänte und atomistische Materialismus.

Teggstusgoobe und Übersetzige[ändere | Quälltäxt bearbeite]

  • Laura Gemelli Marciano (Hrsg.): Die Vorsokratiker. Band 3, Artemis & Winkler, Mannheim 2010, ISBN 978-3-538-03502-7, S. 300–583 (griechische Quellentexte mit deutscher Übersetzung, Erläuterungen sowie Einführung zu Leben und Werk)
  • Fritz Jürß, Reimar Müller, Ernst Günther Schmidt (Hrsg.): Griechische Atomisten. Texte und Kommentare zum materialistischen Denken der Antike. Reclam, Leipzig 1973
  • Geoffrey S. Kirk, John E. Raven, Malcolm Schofield (Hrsg.): Die vorsokratischen Philosophen. Einführung, Texte und Kommentare. Metzler, Stuttgart 2001, ISBN 3-476-01834-2, S. 439–472
  • Rudolf Löbl (Hrsg.): Demokrit. Texte zu seiner Philosophie. Rodopi, Amsterdam 1989, ISBN 90-6203-919-7 (Kwelleteggst mit Übersetzig und Kommentar)

Litratuur[ändere | Quälltäxt bearbeite]

Übersichte, Gsamtdarstellige

  • Georg Rechenauer: Leukipp und Demokrit. In: Hellmut Flashar u. a. (Hrsg.): Frühgriechische Philosophie (= Grundriss der Geschichte der Philosophie. Die Philosophie der Antike, Band 1), Halbband 2, Schwabe, Basel 2013, ISBN 978-3-7965-2598-8, S. 833–946
  • Denis O'Brien, Marie-Christine Hellmann: Démocrite d'Abdère. In: Richard Goulet (Hrsg.): Dictionnaire des philosophes antiques, Band 2, Paris 1994, ISBN 2-271-05195-9, S. 649–716

Undersuechige zu äinzelne Theme

  • Jens Gerlach: Gnomica Democritea. Studien zur gnomologischen Überlieferung der Ethik Demokrits und zum Corpus Parisinum mit einer Edition der Democritea des Corpus Parisinum. Reichert, Wiesbaden 2008, ISBN 978-3-89500-494-0
  • Rudolf Löbl: Demokrits Atomphysik. Wissenschaftliche Buchgesellschaft, Darmstadt 1987, ISBN 3-534-03132-6
  • Sousanna-Maria Nikolaou: Die Atomlehre Demokrits und Platons Timaios. Eine vergleichende Untersuchung (= Beiträge zur Altertumskunde, Bd. 112), Stuttgart 1998, ISBN 3-519-07661-6
  • Cynthia Munro Pyle: Democritus and Heracleitus: An Excursus on the Cover of this Book. In: Cynthia Munro Pyle: Milan and Lombardy in the Renaissance. Essays in Cultural History. La Fenice, Rom 1997, S. 203–222
  • Georg Rechenauer: Demokrits Seelenmodell und die Prinzipien der atomistischen Physik. In: Dorothea Frede, Burkhard Reis (Hrsg.): Body and Soul in Ancient Philosophy. De Gruyter, Berlin 2009, ISBN 978-3-11020236-6, S. 111–142

Weblingg[ändere | Quälltäxt bearbeite]

 Commons: Demokrit – Sammlig vo Multimediadateie

Fuessnote[ändere | Quälltäxt bearbeite]

  1. Sousanna-Maria Nikolaou: Die Atomlehre Demokrits und Platons Timaios. Eine vergleichende Untersuchung (Beiträge zur Altertumskunde, Band 112), Stuttgart 1998, S. 201.
  2. Aristoteles: Metaphysik, Erste Abteilung, Einleitung, II. Die Lehre von den Prinzipien bei den Früheren, A: Die älteren Philosophen, letzter Absatz.
  3. Sousanna-Maria Nikolaou: Die Atomlehre Demokrits und Platons Timaios. Eine vergleichende Untersuchung (Beiträge zur Altertumskunde, Band 112). Stuttgart 1998, S. 42.
Dä Artikel basiert uff ere fräie Übersetzig vum Artikel „Demokrit“ vu de dütsche Wikipedia. E Liste vu de Autore un Versione isch do z finde.