Das Erbe der Bergler

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Filmdate
Dütsche TitelDas Erbe der Bergler
OriginaltitelDas Erbe der Bergler
ProduktionslandSchwiiz
OriginalsproochSchwiizerdütsch
Erschiinigsjoor2006
Lengi97 Minute
Stab
RegieErich Langjahr
DräibuechErich Langjahr
ProduktionErich Langjahr
MuusigHans Kennel
KameraErich Langjahr
SchnittErich Langjahr
Bsetzig
  • Albert Gwerder
  • Erich Gwerder
  • Alois Langenegger
  • Toni Schelbert
  • Anton Büeler
  • usw.
Dialäkt: Innerschwyzerisch

Das Erbe der Bergler isch ä Dokumäntarfilm vum Erich Langjahr. De Film zeigt di alpini Tradition vom Wildiheue. Är schtahd i de Tradition vum Fredi M. Murer sim früenere Dokumäntarfilm «Wir Bergler in den Bergen...» und ergänzt em Hans Haldimann sii Dokumäntarfilm Bergauf, Bergab.

Handlig[ändere | Quälltäxt bearbeite]

Dräihort Hindere Heubrig mid Alphüttene

Am Erschte Augschte stiigid äs paar Manne im hindere Muätital mid Sägese, Heugare, Seili und Holzschuene mid Stiigise usgrüschtet diä schteile Port zum Hindere Heubrig druuf und tönd dete s'Wildigras heue. D'Wildiheuer tönd ä Bärglertradition ufrächt ärhalte und betriibid Landschaftspfläg. Durs Mäie gänd si de Bärgchrumi halt, tönd Erosion dure Schnej verhindere und bügid Rüfene vor.

Si mäiid d'Bärgwisene, bündlid ds Heu, lönd diä Bündäli a Drahtseili de Hang ape, wo diä Hundertkiloballe i Hüttene iiglagered und im Winter as Trochefuetter uf Schlitte is Tal ape gfüert wärdid. I Filmschnitt wird d'Tätigkeit vu de letschte Handwärcher ibländed, wo nu traditionälli Holzschue und Horäschlitte härschtellid. De Muätitaler Wätterschmöcker Peter Suter zeigt, win är ahand vumene Ameisihuufä ds Wätter veruussäge cha und i dr Dorfbeiz wird em Heinz Gwerder sii Bäsetanz und Ländlermusig vum »Echo vum Schattähalb« vorgfüert.

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Das_Erbe_der_Bergler“ vu de dütsche Wikipedia.

E Liste vu de Autore un Versione isch do z finde.