Daniela Evers

d Daniela Evers (2020)

D Daniela Evers (* 24. April 1971 z Fryyburg as Daniela Müller) isch e dytschi Bolitikeri (Bindnis 90/Di Griene) un Räächtsaawälti. Syter anne 2021 isch si Abgoordneti im Landdaag vu Baade-Wiirtebäärg.

Lääbe

D Evers isch z Opfige ufgwagse un deert au uf d Grundschuel gange. Derno isch si uf s Rotteck-Gimnasium z Fryburg gange, wu si anne 1990 s Abiduur gmacht het. No dr Schuel het si vu 1990 bis 1994 an dr Uniwersideet Passau un vu 1994 bis 1997 an dr Uniwersideet Fryyburg Räächtswisseschafte studiert.

Vu 1998 bis 2000 het si, unterbroche vun ere Elterezyt, s Räächtreferendariaat am Landgriicht Fryburg gmacht mit Wahlstazioone u. a. am AG Ditisee-Neistadt, am LG Fryyburg, bi dr Staatsaawaltschaft Fryyburg un bim Stadtblaanigsamt Fryyburg. In däre Zyt het si au ne Uusbildig in dr Räächtsaawaltskanzlei Mohr un Stritt z Ditisee-Neistadt gmacht un het deert ab 2000 aafangs as sälbschtständigi Aawälti gschafft un speeter as aagstellti Aawälti bi däre Kanzlei. Iri Schwäärpinkt as Aawälti sin Uusländeräächt, Asiilräächt un Soziaalräächt.

D Daniela Evers isch ghyroote mit em Wolfram Evers un isch Mueter vu zwai Chinder. Si läbt mit ire Familie syter anne 1996 im Hoochschwaarzwald.

Bolitik

As Schlisselerlääbnis fir ire bolitisch Engaschmänt sei fir sii d Nuklearkataschtroof vu Tschernobyl gsii. Zäme mit em Engaschmänt gee di regionaale AKW z Fessene, z Beznau un z Leibstadt heeb si des fir umwältbolitischi Teemene sänsibilisiert. Syter anne 2009 isch si Mitgliid vum Gmairoot vu Ditisee-Neistadt, syter 2014 isch si deert Frakzioonssprächeri. Syt 2011 isch si derzue au Vorsitzeri vu dr Griene im Landchrais Bryysgau-Hoochschwaarzwald.

Bi dr Landdaagswaal 2021 het si mit 40,3 Brozänt s Eerschtmandaat im Waalchrais Fryyburg I gwunne.

Weblink

• Websyte vu dr Daniela Evers