Daniel Renkonen

Dialäkt: Undermarkgreflerisch

dr Daniel Renkonen (2013)

Dr Daniel Renkonen (* 25. Februar 1970) isch e dytsche Bolitiker (Bindnis 90/Di Griene). Vu 2011 bis 2021 isch er Abgordnete im Landdag vu Bade-Wirttebärg gsii.

Beruef

Dr Renkonen isch glehrte Zytigsredaktor mit dr Schwärpinkt Lokales un Sport. Voreb er in dr Landdag gwehlt woren isch, het er as freie Schurnalischt fir d Leabärger Zytig gschafft.

Bolitischi Laufbahn

Syter anne 1994 isch dr Renkonen Mitglid vu dr Griene. Fimf Johr lang isch er Gmaindsrot z Damm gsii. Vu 1994 bis 2014 isch er Mitglid vum Kraisdag vum Landkrais Ludisburg gsii un dert vu 2000 bis 2014 au Fraktionsvorsitzer. Zue dr Kommunalwahl 2014 isch er nimi as Kandidat aadrätte.

Bi dr Landdagswahl z Bade-Wirttebärg 2011 isch er mit 25,0 % vu dr Stimme iber s Zwaitmandat im Wahlkrais 14 Bietge-Bissenga in dr Landdag vu Bade-Wirttebärg gwehlt wore. Dert isch er Mitglid im Uusschuss fir Umwält, Klima un Energywirtschaft un im Uusschuss fir Verchehr un Infrastruktur gsii, derzue stellverdrättend Mitglid in dr Uuschiss fir Finanze, Wisseschaft, Ländlige Ruum, Integration, im Innen- un im Petitionsusschuss. Är isch Sprächer vu syre Bartei fir Stuttgart 21 gsii un Vorsitzer vu griene Arbetskrais Umwält un Energy.

Bi dr Landdagswahl 2016 het dr Renkonen mit 32,06 % vu dr Stimme s Diräktmandat im Wahlkrais Bietge-Bissenga wunne.

Fir d Landdagswahl 2021 isch er nimi vu syre Bartei nominiert wore.

Sunschtigs Engaschmänt

• Jugendschöffe am Amtsgricht Ludisburg
• Mitglid im Verwaltigsrot vu dr Kraissparkass Ludisburg
• Mitglid vum Ufsichtsrot vu dr Abfallverwertungsgesellschaft des Landkreises Ludwigsburg

Persenligs

Dr Daniel Renkonen wohnt z Ludisburg.

Weblink

 Commons: Daniel Renkonen – Sammlig vo Multimediadateie