Daniel Lüönd (Musiker)
Dr Daniel Lüönd (* 2. Septämber 1959; † 4. Jänner 2019) isch e Schwyzer Bassischt gsii.
Musik
[ändere | Quälltäxt bearbeite]Dr Daniel Lüönd het uf em Stoos gläbt un het syt em 16. Lääbesjohr Kontrabass gspiilt.
Vum Martin Nauer het sy Brueder Alois Lüönd di alte Dänz vum Josef Stump chenne lehre, wu dr Nauer vum Balz Schmidig iberliferet kriegt ghaa het, wu no mit em Josef Stump sälber gspiilt ghaa het. Um 1966 het dr zweet Brueder Paul Lüönd s Schwyzerörgeli glehrt. Dodruf isch um 1970 s Schwyzerörgeliduo Lüönd entstande, wu bi Verain un chlaine Fescht ufgspiilt het.
Anne 1976 het dr jingscht vu dr Mosi-Bríeder dr Bass glehrt. Derwäge isch derno s Schwyzerörgelitrio Mosibuebä entstande. In dr 1970er Johr het s e baar Mol mit em Rees Gwerder un em Paul Lüönd gspiilt. D Formation Mosibuebä het s vu 1976 bis 2014 gee un isch in dr Zwischezyt mit em Daniel Gwerder un em Philipp Schuler zue me Schwyzerörgeliquartett versterkt wore. Alli Dänz vum Josef Stump un em Balz Schmidig un di aigene sin vu Musiker zue Musiker wytergee wore, Note het s fascht nit gee un d Musiker hään au kai Note chenne läse. Mittlerwyli git s e baar Notehefter vu dr Mosibuebä un vum Paul Lüönd. Am 19. Merz 2014 sin d Mosibuebä wäg dr Chranket vum Paul Lüönd ufglest wore, am 3. April 2014 isch er gstorbe. Dodruf isch d Mosi-Musig grindet wore. As Gaschtwiirt uf em Stoos isch dr Daniel aber chuum no unterwägs gsii, het aber als an dr Stubete im Gaschthuus Balmberg zue dr Inschtrumänt grife.
Privat
[ändere | Quälltäxt bearbeite]Dr Daniel Lüönd isch mit drei Brieder im Mosi z Ingäbohl im Kanton Schwyz ufgwachse. Är het Zimmermann z Brunnen glehrt. Speter het er mit syre Frau Elisabeth s Gaschthuus Balmberg uf em Stoos ibernuu un het dert gwiirtet un gchocht. Anne 2011 isch dert d Mosi-Bar ufgmacht wore. Em Daniel Lüönd sy Suhn David, wu au Miski macht bi dr Balmbergörgeler, het d Wiirtschaft vir em Dod vu sym Vater ibernuu.
Diskografi
[ändere | Quälltäxt bearbeite]- 1981 MC/LP
- 1982 MC/LP zäme mit dr Wöschbrettbänd
- 1983 MC/LP
- 1991 „Schwingä und Örgälä im Alpstübli“ (CD zum 15-jehrige Jubiläum)
- 1999 „Örgelimusig vo 1911–1999“ (CD)
- 2004 „Diänigs usem Schwyzerbiet“ (Tonträger)
- 2006 „30 Jahre Mosibuebä“ (CD)
- 2013 „Vo früener bis hüt“
Derzue git s e Hufe CD, wu d Mosibuebä mit ainzelne Titel druf sin.
Weblink
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Daniel_Lüönd_(Musiker)“ vu de dütsch>e Wikipedia. E Liste vu de Autore un Versione isch do z finde. |