Alois Lüönd

Us der alemannische Wikipedia, der freie Dialäkt-Enzyklopedy
dr Alois Lüönd

Dr Alois Lüönd (* 16. Augschte 1951) isch e Schwyzer Schwyzerörgeler.

Musik[ändere | Quälltäxt bearbeite]

Alois & Bernhardin
Lüönd - Nauer

Dr Alois Lüönd läbt z Ingäbohl un spiilt syt em 16. Lääbesjohr Schwyzerörgeli.

Um 1968 het er bim Bernhardin Schmidig, gnännt ds'Lunnis Bäredi, em Brueder vum Franz Schmidig, e baar Stuck chenne lehre.

In dr 1970er un 1980er Johr het er mit em Martin Nauer, gnännt dr Örgelidoktor, ufgspiilt. Vum Martin Nauer, em Vater vum glychnamige Musiker, het dr Alois Lüönd di alte Dänz vum Josef Stump chenne lehre, wu dr Nauer vum Balz Schmidig iberliferet kriegt ghaa het, wu no mit em Josef Stump sälber gspiilt ghaa het. Um 1966 het dr zweet Brueder Paul Lüönd s Schwyzerörgeli glehrt. Dodruf isch um 1970 s Schwyzerörgeliduo Lüönd entstande, wu bi Verain un chlaine Fescht ufgspiilt het.

Anne 1976 het dr Daniel Lüönd, dr jingscht vu dr Mosi-Bríeder, dr Bass glehrt. Derwäge isch derno s Schwyzerörgelitrio Mosibuebä entstande. In dr 1970er Johr het s e baar Mol mit em Rees Gwerder un em Paul Lüönd gspiilt. D Formation Mosibuebä het s vu 1976 bis 2014 gee un isch in dr Zwischezyt mit em Daniel Gwerder un em Philipp Schuler zue me Schwyzerörgeliquartett versterkt wore. Alli Dänz vum Josef Stump un em Balz Schmidig un di aigene sin vu Musiker zue Musiker wytergee wore, Note het s fascht nit gee un d Musiker hään au kai Note chenne läse. Mittlerwyli git s e baar Notehefter vu dr Mosibuebä un vum Paul Lüönd. Am 19. Merz 2014 sin d Mosibuebä wäg dr Chranket vum Paul Lüönd ufglest wore, am 3. April 2014 isch er gstorbe. Dodruf isch d Mosi-Musig grindet wore.

Privat[ändere | Quälltäxt bearbeite]

Dr Alois Lüönd isch mit drei Brieder im Mosi z Ingäbohl im Kanton Schwyz ufgwachse. Är het Elektromonteur glehrt un schafft hit bim Kanton. Är isch ghyrote un het vier Chinder

Diskografi[ändere | Quälltäxt bearbeite]

d Mosibuebä
  • 1977 Schwyzerörgeliduett Martin Nauer sen. „Schwyzerörgeli uf 3 Arte“; mit em Alois Lüönd un em Ueli Mooser, Verschideni Interprete, LP Pick
  • 1981 Mosibuebä MC/LP
  • 1982 Mosibuebä MC/LP zäme mit dr Wöschbrettbänd
  • 1983 Mosibuebä MC/LP
  • 1988 Martin Nauer zum 70. Geburtstag, 24 Tänze MC Privatedition (4 Titel mit em Alois Lüönd)
  • 1991 Mosibuebä "Schwingä und Örgälä im Alpstübli" (CD zum 15- jehrige Jubiläum)
  • 1999 Mosibuebä "Örgelimusig vo 1911 - 1999" (CD)
  • 2004 Mosibuebä "Diänigs usem Schwyzerbiet" (Tonträger)
  • 2006 Mosibuebä "30 Jahre Mosibuebä" (CD)
  • 2009 "Projekt Stump - Schmidig" mit em Huus vu dr Volksmusik
  • 2013 "Vo früener bis hüt"

Derzue git s e Hufe CD, wu d Mosibuebä mit ainzelne Titel druf sin.

Heerbyschpel Mosibuebä[ändere | Quälltäxt bearbeite]

Kompositione vum Alois Lüönd (Uuswahl)[ändere | Quälltäxt bearbeite]

Ä fründlichä Blick, Am Schiltänünimärcht, Am Stanser Hosälupf, Bim Roli im Metsch, Chrütergeischt, Dr Trychlästimmer vom Mosi, E Schwyzerkaffi bim Nöldel z'Montica, Erinnerig ad'USA-Schwingerreis, Erinnerung an Götti Vinzenz, Es heiteret ja scho, Es isch ja nüt passiert, Fondue-Abig bim Benno, Für Stumpä Sebäli-Fän, Gänd em brav, Hüt wird's spat, Im Niderz obä, Im Oberigs, Irish Mosi, Schattähalb, Schwalbe-Flirt, Über's Gätterli, Stubete z'Partnun, Ä Schorle Wysse, Rigi Hell, Stoos-Fronalpstock.

Weblink[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Alois_Lüönd_(Musiker)“ vu de dütsche Wikipedia. E Liste vu de Autore un Versione isch do z finde.