Daniel Heintz dr Elter

Dr Daniel Heintz dr Elter (* um 1530–35 z Alagna, Piemont; † 1596 z Bärn) isch e Baumäister, Archdekt und Bildhauer in dr Noochgotik und dr Rönessans gsi.

Lääbe und Wärk

Dr Heintz het vor allem z Basel und z Bärn gschafft. 1559 isch er Bürger vo Basel worde und 1591 Burger vo Bärn. E isch bewiise ass er 1580 dr Oobemooldisch im Basler Münster gmacht het. 1581/82 het er d Stääge im Basler Roothus und dr Spiesshof baut. S Zumfthuus zu Wiilüt z Basel wird iim zuegschriibe. Z Bärn het er 1571 bis 1574 s Gwölb vom Middelschiff vom Münster baut. Usserdäm het er dr Rönessanslettner, wo 1864 abbroche worden isch, und 1575 d Justitia-Figur am Münsterportal (hüte im Historische Museum Bärn) gmacht. 1588 isch er für immer uf Bärn züüglet und het dört s Amt vom stedtische Wärkmäister übernoo.

Litratuur

• C. H. Baer: Die Kunstdenkmäler des Kantons Basel-Stadt I. Geschichte und Stadtbild. Befestigungen. Areal und Rheinbrücke; Rathaus und Staatsarchiv (= Kunstdenkmäler der Schweiz. Band 3). Hrsg. von der Gesellschaft für Schweizerische Kunstgeschichte GSK. Bern 1932.
• Patricia Bielander: Die beiden Justitia-Statuen des Südwalser Baumeisters und Bildhauers Daniel Heintz I, in: Blätter aus der Walliser Geschichte, 1996, 28. S. 7–79.
• Paul Koelner: Geschichte der Spinnwetternzunft zu Basel und ihrer Handwerke, Basel 1931 (Nachdruck 1970)
• Elisabeth Landolt: Künstler und Auftraggeber im späten 16. Jahrhundert in Basel, in: Unsere Kunstdenkmäler 29, 1978, S. 310–322
• Thomas Lutz: Die Kunstdenkmäler des Kantons Basel-Stadt. Basel-Stadt, Bd. 6: Die Altstadt von Kleinbasel. Profanbauten. Hrsg. von der Gesellschaft für Schweizerische Kunstgeschichte GSK. Bern 2004 (Kunstdenkmäler der Schweiz Band 103). ISBN 3-906131-78-5.
• Johanna Strübin Rindisbacher: Daniel Heintz: Architekt, Ingenieur und Bildhauer im 16. Jahrhundert. Stämpfli, Bern 2002, ISBN 3-7272-1086-9.

Weblingg

• Johanna Strübin Rindisbacher: Heintz, Daniel (der Ältere). In: Historisches Lexikon vo dr Schwiiz.

Dä Artikel basiert uff ere fräie Übersetzig vum Artikel „Daniel_Heintz_der_Ältere“ vu de dütsche Wikipedia. E Liste vu de Autore un Versione isch do z finde.