Dani Arnold

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
de Dani Arnold (2016)

De Dani Arnold (* 22. Februar 1984 im Kanton Üri)[1] isch e Schwiizer Extrembärgstiiger.

Biografii[ändere | Quälltäxt bearbeite]

De Dani Arnold isch im Ürner Bärgdorf Biel im Schächetal üfgwagsä.[2] Är isch sehr bekannt wordä, will är en Gschwindigkeitsrekord bi de Bestiigig vu de Eiger-Nordwand 2011 gmacht het. Är het d Wand ellei i 2 Stundä und 28 Minütä durstigä und isch drum 20 Minütä schnäuer gsi als de bisherig Rekordhauter Ueli Steck, wo de aber im 2015 em Arnold si Ziit um 6 Minütä unterbotä het.[3][4]

I de Chlättrszenä isch de Arnold bereits vor 2011 bekannt gsi. Under anderem ai dur de Speedrekord vu 1 Stund und 35 Minütä am Westgrat vum Salbitschijen. Und witers isch es ihm 2010 glungä mit em Stephan Siegrist und em Thomas Sänf die erst Winterbestiigig vum Torre Egger z Patagoniä.

Im Jänner 2012 isch de Arnold z Schottland d Mixed-Chlätterrütä The Hurting als erste Nid-Schott Rotpunkt gchlätteret. The Hurting giutet als eini vu de wältwiit schwärste Trad-Miced-Chlättärrütä iberhaipt.[5]

Im April 2013 isch äs ihm mit em David Lama glungä, d Erstbegehig vu de zentralä Headwall a de 1500 Meter hohe Ostwand vum Moose’s Tooth z Alaska. Das Duo het fir die Rütä, wo me Bird of Prey nennt, (6a, M7+, 90°, A2) rund 48 Stunde brüücht.[6]

Am 22. April 2015 isch ihm di schnäuschti Solobegehig vu de Matterhorn-Nordwand i 1 h 46 Minütä glungä.

De Arnold isch en Bärgfüerer, verhiiratet und läbt z Birglä.[2]

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. Christian Thiele: Dani Arnold: «Zu langsam ist gefährlich» Interview uf alpin.de Usgob 6/2016
  2. 2,0 2,1 Olivier Joliat: «Ja, ich gehe Risiken ein» Artikel i de Coopzitig Nr. 6 vom 4. Februar 2014, S. 135, (PDF) uf berge-im-kopf.ch
  3. Sechs Minuten schneller: Ueli Steck holt sich Eiger-Rekord zurück Artikel uf blick.ch vom 18. November 2015
  4. ‘Swiss machine’ Ueli Steck reclaims Eiger record Artikel uf swissinfo.ch vom 18. November 2015 (englisch)
  5. The Hurting XI 11 - Tradclimbing im schottischen Hochland. Artikel uf bergsteigen.com vom 13. Februar 2012
  6. Erstbegehung - Dani Arnold und David Lama in Alaska Artikel vom Peter Erni uf mammut.ch vom 25. April 2013
Information icon.svg Dä Artikel basiert uff ere fräie Übersetzig vu dere Version vum Artikel „Dani_Arnold“ vu de dütsche Wikipedia.

E Liste vu de Autore un Versione isch do z finde.