Clementia vu Zährige
| Dialäkt: Undermarkgreflerisch |
D Clementia vu Zährige († um 1167) isch vu 1147 bis 1162 d Frau vum Heinrich em Leeb gsi.
Si isch d Dochter gsi vum Konrad I. vu Zährige un dr Clementia vu Luxemburg-Namur. Ihi Hochzyt mit em Welf Heinrich isch e bolitischi Machtdemonschtrazion vu dr Zähriger gege d Staufer gsi un het dr Feschtigung vu dr Machtgrundlag vu dr Zähriger dient.
Dr staufisch Chaiser Friedrich Barbarossa het wäge däm gege die Eh kämpft mit em Argumänt, ass d Clementia un dr Heinrich z noo verwandt seje un het des Ziil au anne 1162 erreicht. Us dr Eh mit em Heinrich sin zue däm Zytpunkt scho drej Chinder fiirigange:
- Gertrud (* no 1150; † 1196). ∞I 1166 Herzog Friedrich IV. vu Schwobe (* um 1144; † 1167). ∞II 1176 Chenig Knut VI. vu Dänemark (* 1162/1163; † 1202)
- Heinrich († frie)
- Richenza († frie)
In ere zwoote Eh het d Clementia dr Grof Humbert III. vu Maurienne ghyrote. Des isch däm syy dritt Eh gsi un isch chinderlos blibe.
Literatur
[ändere | Quälltäxt bearbeite]
Commons: Clemenza of Zähringen – Sammlig vo Multimediadateie- Hans Prutz: Clementia. In: Allgemeine Deutsche Biographie (ADB). Band 4, Duncker & Humblot, Leipzig 1876, S. 321.