Claudia Sabine Meier

Us der alemannische Wikipedia, der freie Dialäkt-Enzyklopedy

D Claudia Sabine Meier (* 25. Oktober 1968 as Andreas Heribert Meier z Bärn) isch e Schwyzer Aktivischti, wu si fir d Verbesserig vu dr Situazioon vu Transmänsche in dr Schwyz yysetze duet.[1][2][3][4][5][6][7][8] Si nännt si sälber «Lifeartist» («Lääbeschinschtleri»).

Lääbe[ändere | Quälltäxt bearbeite]

D Meier isch z Schwefelbergbad ufgwagse un het verschiideni Uusbildige im Hotälfach gmacht. Unter anderem het si as aidg. Dipl.-Bedriibswiirtschaftleri un Dipl.-Unternämeri abgschlosse. Derzue het si an verschiidene Fachhoochschuele Uusbildige zum Coach, Personaaldiagnoschtikeri un -Entwickleri gmacht. D Meier het ghyroote un isch Vater vun ere Doochter woore, het si speeter aber wider schaide loo. Anne 2012 het si ne chiruurgischi Gschläächtsaabassig z München gmacht.

Zwische 2000 un 2012 het d Meier s Resort-Hotel Schwefelberg-Bad gfiert, wu si vu dr Eltere ibernuu ghaa het. Si het s Hotäl 2012 verchauft go si nei oriäntiere un d Operazioone z Münche chenne mache. Meediebresänz het d Meier vor allem iiberchuu dur s Lääbe as Hoteliere[9] un fir s Duuresetze vu verschiidenschte Brezedänzfäll fir Transmänsche in dr Schwyz.

Ire isch syter 2011 e aifacheri Namesänderig fir Transmänsche im Kanton Bärn z verdanke. S gschickt Yysetze vu dr Meedie het zue Mozioone in dr Bärner Regierig gfiert. No däre Änderig isch dr Vorname vu Herr Andreas Heribert uf Herr Claudia Sabine gänderet woore, was aber uf dr Gschläächtyydraag kai Wiirkig ghaa het.

Wel d Schwyz kai aige Gsetz fir Transmänsche het, setzt si d Meier 2012 fir dr Bresedänzfall yy, ass mer d Gschläächteränderig, rain uf ere guetaachterlige Eebeni ooni mediziniischi Maaßsnaame, chaa avollzie.[10] Im 3. Quartaal 2012 het s Regionaalgriicht Bärn-Mittelland mit em Entschaid CIV 12 1217 JAC entschiide, ass es fir d Änderig vum Persoonestand kai Hormoontherapy un au kai operatiive Yygriff bruucht, nume psicholoogischi Guetaachte.[11] Eerscht doo isch dr Gschläächteryydraag vu «M» uf «F» gwägslet woore.

Anne 2014 het si si as eemoolige Fourier bim Swissint vu dr Schwyzer Armee bewoorbe. Drotz em Artikel 25.60 («Störung der Geschlechtsidentität») in dr Nosologia Militaris, wu vorsiit, ass Transpersoone in dr Schwyzer Armee uf alli Fäll uudaugli sin, het si ne Swisscoy-Yysatz im Kosovo glaischtet, aber as Chechi, nit as Fourier. No dr Sändig «Mensch Claudia»[12], wu in dr Raie «Reporter auf SRF1» uusgstraalt wooren isch, isch des dr Kumpremiss zwische dr Maier un dr Armee gsii, ass si as eerschti Transpersoon in dr Schwyzer Armee het chenne diene.

Si duet mit Voordreeg un Workshop in Schuele, Fiirme un Organisazioone[13] fir mee Verständnis in dr Gsellschaft fir Transmänsche wäärbe. Si duet au Bedroffeni in dr Schwyz beglaite un choache. Im Meerz 2018 isch iri Autobiobrafy unter em Titel Oh Mann, Frau Meier uusechuu.

Dokumäntaarfilm[ändere | Quälltäxt bearbeite]

  • Rolf Dietrich: Reporter Von Andreas zu Claudia. SRF 2011, 23 min.[14]
  • Rolf Dietrich: Mensch Claudia. SRF 2014, 24 min.[15]
  • Luc Walproth: Was ist Mut und wie bringt er uns weiter? Was-wenn-Filmreihe. Die Mobiliar-Versicherung 2017, 10 min.[16]

Wäärch[ändere | Quälltäxt bearbeite]

  • mit em Holger Schäben as Co-Autoor: Oh Mann, Frau Meier. Alles andere als eine transnormale Geschichte. Münsterverlag, Basel 2018, ISBN 978-3-905896-82-4.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. ↑ Transsexualität: Namensänderung braucht Zeit. In: Berner Zeitung. 13. September 2011 (bernerzeitung.ch [abgerufen am 11. November 2017]).
  2. ↑ Andreas wird nun offiziell zu Claudia. In: Der Bund. 16. Oktober 2011 (derbund.ch [abgerufen am 11. November 2017]).
  3. ↑ Wie ein falsch verpacktes Erdbeerjoghurt. In: Freiburger Nachrichten - News aus Freiburg. (freiburger-nachrichten.ch [abgerufen am 11. November 2017]).
  4. ↑ Als erster Transgender in der Schweizer Armee In: blick.ch vom 26. Juli 2014
  5. ↑ Blick: Transgender-Verbot in US-Militär: «Trump ist bedauernswert». (blick.ch [abgerufen am 11. November 2017]).
  6. ↑ Ihr männlicher Vorname ist Geschichte. In: bernerzeitung.ch/. (newsnet.ch [abgerufen am 11. November 2017]).
  7. ↑ Transgender - das Geschlecht selbst bestimmen? Schweizer Radio und Fernsehen SRF, 11. August 2015, abgruefen am 11. November 2017 (Schwiizer Hochtüütsch).
  8. ↑ «Ich war, bin und bleibe ein Erdbeerjoghurt» | prisma. In: prisma. (prisma-hsg.ch [abgerufen am 11. November 2017]).
  9. ↑ Wolf Röcken: «Adieu Herr Meier – grüessech Frau Meier». In: Tages-Anzeiger, Tages-Anzeiger. 28. Februar 2011, ISSN 1422-9994 (tagesanzeiger.ch [abgerufen am 11. November 2017]).
  10. ↑ Regionalgericht Bern-Mittelland mit dem Entscheid CIV 12 1217 JAC
  11. ↑ Entscheid des Regionalgerichtes des Kantons Bern Mittelland vom 12. September 2012; Wolf Röcken: Auch ohne Operation ist Claudia Meier vor dem Recht eine Frau. In: Berner Zeitung. 17. Septämber 2012 (bernerzeitung.ch).
  12. ↑ Von Andreas zu Claudia - TV. Abgruefen am 11. November 2017.
  13. ↑ Die Mobiliar: Mobiliar Akzente 2016: Claudia Sabine Meier - Die Transgender-Frau. 23. Februar 2016, abgruefen am 11. November 2017.
  14. ↑ Von Andreas zu Claudia - TV. Abgruefen am 11. November 2017.
  15. ↑ Die erste transsexuelle Frau in der Armee. Schweizer Radio und Fernsehen SRF, 23. Januar 2015, abgruefen am 11. November 2017 (Schwiizer Hochtüütsch).
  16. ↑ Luc Walproth: Was, wenn sich mutig sein immer lohnt? In: Was-wenn-Filmreihe, Mobiliar Versicherung Filmreihe. Mobiliar Versicherungen, 16. Januar 2017, abgruefen am 11. November 2017.
Dä Artikel basiert uff ere fräie Übersetzig vu dere Version vum Artikel „Claudia_Sabine_Meier“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Claudia_Sabine_Meier&oldid=1041481"