Zum Inhalt springen

Clémence Guetté

Us der alemannische Wikipedia, der freie Dialäkt-Enzyklopedy
Dialäkt: Mìlhüüserdiitsch
D’ Clémence Guetté ànna 2022

D’ Clémence Guetté LL-Q150 (fra)-Mathieu Kappler-Clémence Guetté.wav [klemɑ̃s ɡete](info) (* 15. März 1991 z’ Bressuire, Département Deux-Sèvres) ìsch a frànzeescha Politikera vu dr Pàrtäi La France insoumise (LFI). Bii dr Presidantswàhl vu 2022 ìsch sa Progràmmkoordinàtoora vum LFI-Kàndidààt Jean-Luc Mélenchon gsìì. Ìm Jüüni 2022 ìsch sa àls Àbgoordneta üss’m 2. Wàhlkrais vum Val-de-Marne ìn dr Nàzionààlversàmmlung gwählt worra.

ìhr Laawa un Kàrriar

[ändere | Quälltäxt bearbeite]

D’ Clémence Guetté ìsch ànna 1991 z’ Bressuire ìm wäschtfrànzeescha Département Deux-Sèvres uff d’ Walt kumma. Ìhra Müatter ìsch Anglischlehrera un ìhr Vàtter ìsch Hüüsmànn.[1] D’ Guetté hàt a wìssaschàftliga-n-Àbitüür bschtànda un hàt d’rnooh a Lizanz vu dr Lìteràtüür àn dr Üniwärsiteet vu Poitiers bschtànda. Doo druff hàt sa a Maischterpriafung vu da Politikwìssaschàfta-n-àm Pàriiser Ìnschtitüüt fìr politischa Schtüdia bschtànda. Üsserdam hàt sa ain Joohr làng àn dr Hoochschüal Agro ParisTech gschtudiart, fìr sìch ìm Beraich Umwaltpolitik bìlda.[2][3][4] Wahrend ìhrem Schtüdium hàt sa s’ Schtààtsschtüpändium bikumma àwwer hàt noch naawadràà müassa schàffa, fìr ìhra Schtüdia bezààhla.[5] Wahrend ìhrem Schtüdium ìsch sa fìr a kurza Zitt Mìtglììd vu dr Schtüdantagwarkschàft UNEF gsìì. Sa hàt àwwer d’ Orgànisàzioon fààraloo, wial sa ìn ìhra Àuiga züa ang dr Soziàlìschta Pàrtäi nooh gschtànda hàt. Ìn dr UNEF hàt sa d’ Schtüdanta Aurélien Taché, Stéphane Séjourné, Guillaume Chiche un Pierre Person kännaglehrt, wo ànna 2016 LREM-Àbgoordneta worra sìnn.[5][6][7]

Ànna 2010 hàt sìch d’ Guetté dr Parti de Gauche (PdG) ààgschlossa, wo dr Jean-Luc Mélenchon grìnda hàt. Bii dr Presidantswàhl vu 2012 hàt sa fìr dr Mélenchon kampft.[8] Ànna 2016 hàt sa sìch ìm Mélenchon siinera näija Pàrtäi La France insoumise (LFI) ààgschlossa un hàt d’ Kàndidàtüür vum Mélenchon àn dr Presidantswàhl vu 2017 unterschtìtzt. Sa ìsch d’rnooh vu dr Pàrtäi iigschtällt worra, fìr vollzittig zamma mìt dr Charlotte Girard ìwwer s’ Pàrtäiprogràmm schàffa.[5] Nohdam àss d’ Girard ànna 2019 d’ Pàrtäi fààraloo hàt, hàt ìhra d’ Guetté àls Progràmmkoordinàtoora vum Lìnksbìndniss NUPES noohgfolgt. Gliichzittlig ìsch sa Generààlsekretäära vu dr LFI-Fràkzioon ìn dr Nàzionààlversàmmlung gsìì.[1][9]

Bii dr Regionààlwàhl vu 2021 ìsch d’ Guetté zem äärschta Mol Kàndidààtin gsìì. Àls Schpìtzakàndidààtin vu La France insoumise ìn dr Regioon Näi-Àkwitàània ìsch sa vu mehrera Mìtglììder vu dr Kommünìschta Pàrtäi un vu dr Näija Àntikàpitàlìschta Pàrtäi unterschtìtzt worra. Sa hàt àwwer ìn dr äärschta Wàhlrunda numma 5,67 Prozant vu da Schtìmma bikumma un ìsch nìt gwählt worra.[10]

Àn dr Pàrlàmantswàhl vu Jüüni 2022 ìsch d’ Guetté Kàndidààtin fìr d’ NUPES ìm 2. Wàhlkrais vum Val-de-Marne ìn dr Pàriiser Regioon gsìì.[4] Ìn dr äärschta Wàhlrunda hàt sa 47,46 Prozant vu da iigaawana Schtìmma bikumma,[11] un ìn dr zwaita Wàhlrunda-n-ìsch sa mìt 64,2 Prozant vu da Schtìmma-n-àls Àbgoordneta ìn dr Nàzionààlversàmmlung gwählt worra. Doo d’rbii hàt sa dr üssschaidanda-n-Àbgoordnet Jean-François Mbaye gschlààga.[12] Ìn dr Nàzionààlversàmmlung ìsch sa Mìtglììd vu dr LFI-Fràkzioon so wia Mìtglììd ìm Üssschuss fìr noochhàltiga Äntwìcklung un Ràuimordnung worra.

D’ Guetté wohnt dàdoo z’ La Forêt-sur-Sèvre.[13]

Lìteràtüür

[ändere | Quälltäxt bearbeite]
  • Rachid Laïreche: Le portrait. Clémence Guetté, programmée. In: Libération. 14. März 2022 (französisch, liberation.fr [abgerufen am 22. September 2023]).
  • Chloé Friedmann, Léa Mabilon: La fulgurante ascension de Clémence Guetté, 31 ans, l'indéfectible Insoumise au côté de Jean-Luc Mélenchon. In: Madame Figaro. 2. Mai 2022 (französisch, lefigaro.fr [abgerufen am 22. September 2023]).
  • Rémy Dodet: Clémence Guetté, discrète bosseuse des “ insoumis “. In: L’Obs. 8. Januar 2021 (französisch, nouvelobs.com [abgerufen am 22. September 2023]).
  • AFP: Clémence Guetté, des rouages de LFI à la candidature en Nouvelle-Aquitaine. In: La Croix. 13. Mai 2021 (französisch, la-croix.com [abgerufen am 22. September 2023]).
  • Arthur Nazaret: Clémence Guetté, la jeune tête pensante de la France Insoumise. In: Le Journal du dimanche. 6. Mai 2021 (französisch, lejdd.fr [abgerufen am 22. September 2023]).

Weblìnks

[ändere | Quälltäxt bearbeite]
 Commons: Clémence Guetté – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ 1,0 1,1 Laïreche 2022
  2. ↑ Lenny Benbara: La France insoumise : du parti au mouvement. In: Le vent se lève. 12. März 2019, abgruefen am 22. September 2023 (französisch).
  3. ↑ Friedmann, Mabilon 2022
  4. ↑ 4,0 4,1 Dodet 2021
  5. ↑ 5,0 5,1 5,2 AFP 2021
  6. ↑ Nazaret 2021
  7. ↑ Baptiste Bizé: Régionales en Nouvelle-Aquitaine : Clémence Guetté, l'insoumise pressée. 17. Mai 2021, abgruefen am 22. September 2023 (französisch).
  8. ↑ Carl Meeus: "La trajectoire est similaire à celle de 2017", Clémence Guetté, LFI. In: Le Figaro Magazine. 4. März 2022, S. 22, abgruefen am 22. September 2023 (französisch).
  9. ↑ Carl Meeus: Clémence Guetté, Sylvain Desclous et la campagne présidentielle... Les indiscrétions du Figaro Magazine. In: Le Figaro Magazine. 4. März 2022, abgruefen am 22. September 2023 (französisch).
  10. ↑ Résultat des élections régionales 2021 en Nouvelle-Aquitaine. Ìnnaminìschterium vum Frànkrììch, abgruefen am 22. September 2023 (französisch).
  11. ↑ Législatives: Clémence Guetté, largement en tête du premier tour dans le Val-de-Marne. In: Libération. 12. Juni 2022, abgruefen am 22. September 2023 (französisch).
  12. ↑ Val-de-Marne - 2e circonscription : Résultats élections législatives 2022. France Info, abgruefen am 22. September 2023 (französisch).
  13. ↑ Fabien Goualt: Législatives. La Deux-Sévrienne Clémence Guetté (Nupes) élue dans le Val-de-Marne. In: Ouest-France. 20. Juni 2022, abgruefen am 22. September 2023 (französisch).


Dä Artikel basiert uff ere fräie Übersetzig vum Artikel „Clémence_Guetté“ vu de französische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Clémence_Guetté&oldid=1052091"