Christoph Silberysen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Christoph Silberyse, wo anne 1541 z Baaden uf d Wält choo und anne 1608 z Weddige gstoorben isch, isch en Apt vom Chlooschter Weddigen i der alte Grafschaft Baade und e Chronischt gsi.

Dr Apt Christoph het s Chlooschter i der Zyt churz nach der Reformazioon gleitet. Er isch anne 1563 zum Vorsteher gwählt woorden und het der Konvänt bis 1594 regiert. Syn Nochfolger isch der Apt Peter gsii.

Im Christoph Silberyse synere Zyt sind z Weddige schööni Gschichtsbüecher gschribe woorde, bsunders bekant isch em Apt syni drüübändige Schwiizerchronik. Und s Chlooschter het bi de Raparatuure nach dr schwääre Brunscht vo anne 1507 no wyteri Wappeschyben übercho.

Lueg au[ändere | Quälltäxt bearbeite]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Christoph Silberysen – Sammlig vo Multimediadateie