Christoph Graf (Schwizergarde)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
de Christoph Graf im Mai 2016 vor de Gardefahne
d Fahne vo de Schwizergarde under em Pabst Franziskus und em Oberst Christoph Graf

Christoph Graf (* 5. September 1961) isch sit em 7. Februar 2015 de 35. Kommandant vo de Päbstliche Schwizergarde im Vatikan.

De Christoph Graf isch am 2. März 1987 i d Schwizergarde iiträtte.[1] Er hät sich i de Garde vom Hellebardier zum Underoffizier ufe gschaffed. Isch dänn Usbildner vo de Gardischte gsii und hät as Fäldwaibel d Dienschtplän gmacht. Dänn isch er Hoptma vom dritte Gschwader worde. Am 6. Oktober 2010 isch de Christoph Graf vom Pabst Benedikt XVI. zum Vizekommandant vo de Garde ernennt worde.[2] Als Vizekommandant vo de Schwizergarde isch de Graf erste Beroter vom Kommandant und Verbindigsoffizier noch usse gsii.[3] Endi Januar 2015 hät er s Interims-Kommando vom bishärig Kommandant, em Daniel Anrig öbernoo, wil dä im Dezember 2014 sin Rücktritt per Endi Januar 2015 erchlärt hät. Wil dä Übergang nöd notloos öber d Bühni gange isch, hät s Medie gee, wo spekuliert händ, öb ächt de Pabst Franziskus d Garde wöli uflööse. De Christoph Graf hät die Grücht aber zrugg gwise.[4] Als Kommandant vo de Schwizergarde hät de Christoph Graf de militärisch Grad vom e Oberst.[5]

De Christoph Graf isch Bürger vo Pfaffnau, verhüroted und Vater vo zwai Chind.

Fuessnoote[ändere | Quälltäxt bearbeite]

  1. Vom Hellebardier zum Kommandanten - Christoph Graf neuer Kommandant uf schweizergarde.ch, abgruefe am 19. Februar 2015
  2. Luzerner wird Vize-Kommandant der Garde Neue Luzerner Zeitung, Mittailig vom 11. Oktober 2010
  3. Neuer Kommandant der Schweizergarde Mittailig vo Radio Vatikan am 7. Februar 2015
  4. Neuer Kommandant: Keine Rede von Auflösung der Schweizergarde Mittailig vo Radio Vatikan am 8. Februar 2015
  5. Organigramm uf de Website vo de Schwizergarde, abgruefe am 25. Februar 2015