ChorBasel
| Dialäkt: Baseldütsch |
Dr ChorBasel isch e gmischte Läiechoor in dr Stadt Baasel. Er het öbbe achzig Sängerinne und Sänger und wird vom Benjamin Rapp und Philippe A. Rayot gläitet. Si Gründere, d Susanne Würmli-Kollhopp isch immer no d Eeredirigäntin.
Gschicht[ändere | Quälltäxt bearbeite]
D Susanne Würmli-Kollhopp het an dr Muusig-Akademii Baasel gschafft und Juugendchöör wie dr «Vocale-Chor», dr «Jugendchor Cantat», und dr «Jugendchor iVox» gläitet. Us deene isch schliesslig 2010 dr ChorBasel uusegwaggse, wo d Würmli bis 2020 dirigiert het. In däm Joor het sich dr ChorBasel vo dr Muusig Akademii drennt und isch en äigeständige Veräin worde.
Repertuar und Uffüerige[ändere | Quälltäxt bearbeite]
Dr Chor haltet sini Broobe in dr Aula vom De Wette-Schuelhuus, Baasel ab. Die mäiste Konzärt finde in dr Stadt Baasel und dr Umgääbig statt, aber dr Chor macht au bi internazionaale Festiwal und Wettbewärb mit.
Zum Repertuar vom ChorBasel ghööre Dschääs-Lieder, Volkslieder us verschidnige Kultuure aber bsundrigs us dr Schwiz, Pop und Schlaager aber au Madrigal und anderi a capella-Wärk.