Charibert II.

Us der alemannische Wikipedia, der freie Dialäkt-Enzyklopedy
(Witergleitet vun Chilperich von Aquitanien)
Zur Navigation springen Zur Suche springen
Charibert II.
König vo de Franke im Deilriich Aquitanie
Caribert II Tremissis Banassac 629 632.jpg
E merowingische Tremissis (e Drittel vom ene Solidus) mit em Bild vom Charibert II.
Regierigsziit626 - 632
Uf d Wält choöbbe 614
Gstorbe8. April 632
DodesortBlaye
Begrabein dr Chille St. Romain z Blaye
VorgängerChlothar II.
DronfolgLex Salica: Si Sohn het gerbt, isch aber scho sehr jung gstorbe. S Erb isch denn an Dagobert I. zruggfalle.
NochfolgerChilperich vo Aquitanie
Verhürotet mitGisela
NochkommeChilperich
Kgl. HuusMerowinger
VaterChlothar II.
MueterSichilde

Dr Charibert II. (* öbbe 614; † 8. April 632), isch vo 629 bis 632 e merowingische Underkönig vo Aquitanie gsi und het si Sitz z Toulouse gha.

Läbe[ändere | Quälltäxt bearbeite]

Dr Charibert II. isch e Sohn vom fränkische König Chlothar II. gsi. Noch em Dod vo siim Vater 629/630 isch s Frankeriich nit wie s bis denn gängig gsi isch under de beide Söhn ufdeilt worde, sondern dr Dagobert I., dr elter vo beide, het s ganze Riich gerbt. Under em Druck vo neustrische Adlige agfüehrt vom Brodulf, siim Unggle müeterligersiits, het dr Charibert en Underkönigriich z Aquitanie übercho. Zu siim Riich hai d Stedt Toulouse, Cahors, Agen, Perigueux und Saintes ghört. Vo dört us het er mit Erfolg d Baske in dr Gascogne bekämpft.

Si Unggle Brodulf, won en understützt het, isch im Johr 630 bi dr Daufi vom Sigibert III., em Bueb vom Dagobert und dr Ragnetrude, drbi gsi und isch vom Dagobert z Saint-Jean-de-Losne im Burgund ermordet worde.

Si Dod und dr Dod vo siim Sohn Chilperich[ändere | Quälltäxt bearbeite]

Dr Charibert isch am 8. April 632 z Blaye gstorbe, me dänggt er siig vo siim Halbbrueder Dagobert ermordet worde. Churz noch siim Dod isch s Underkönigriich wider ufglöst worde, wil si Sohn Chilperich churz noch ihm gstorben isch. Dr Fredegar verzellt, ass er no as Buschi gstorbe siig. Er isch mögligerwiis vom Dagobert I. ermordet worde, so dass er Aquitanie wider wurd zruggübercho.

Dr Charibert II. isch in dr Chille St. Romain z Blaye an der Gironde begrabe worde.

Literatur[ändere | Quälltäxt bearbeite]

  • Dahn, Felix: Die Franken. Emil Vollmer Verlag 1899.
  • Schneider, Reinhard: Königswahl und Königserhebung im Frühmittelalter. Anton Hirsemann Stuttgart 1972.
  • Karl Ferdinand Werner: Die Ursprünge Frankreichs bis zum Jahr 1000. Deutscher Taschenbuch Verlag München 1995
Information icon.svg Dä Artikel basiert uff ere fräie Übersetzig vum Artikel „Charibert_II.“ vu de dütsche Wikipedia.

E Liste vu de Autore un Versione isch do z finde.