Charillos
De Charillos, Charilaos oder Charileos (altgriech. Χάριλλος, Χαρίλαος, Χαρίλεως "Volchfroid") isch e König vo Sparta gsii usem Huus vo de Eurypontide. Er isch nöd historisch.
De Charilaos isch de Soo vom Polydektes und de Vatter vom Nikandros. Nochem Plutarch isch er erst nochem Tood vo sim Vatter uf d Welt choo, und wells e Bueb gsii isch, het s Volch Froid ghaa, dromm siin Name[1]
Zäme mit siim Mitkönig Archelaos usem Huus vo de Agiade hett er d Stadt Aigys underworffe.[2]
De Charilaos hett o Chrieg gege d Argiver gfüert und wenigi Joor druff z Tegea e schweeri Niderlaag erliide müesse und isch debii selber i Gfangeschaft groote. Geg de Aid, nieme Tegea aazgriiffe, isch er wider frai loo wore. I dere Schlacht hend o d Fraue vo de Tegeate muetig mitchämpft.[3]
Quelle[ändere | Quälltäxt bearbeite]
- Herodot: Historie 8.131 (Χαρίλεως)
- Plutarch: Lykurg 1.4; 3.1 (Χαρίλαος)
- Pausanias: Raise z Griecheland 3.2.5; 3.7.3, 8.48.4 (Χάριλλος)
Noowiis[ändere | Quälltäxt bearbeite]
Literatur[ändere | Quälltäxt bearbeite]
- Karl-Wilhelm Welwei: Charillos. In: Der Neue Pauly (DNP). Band 2, Metzler, Stuttgart 1997, ISBN 3-476-01472-X, Sp. 1100.