Dr Centralbaanblatz Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Centralbaanblatz
Baanhoofblatz
Wappen Basel-Stadt matt.svg
Blatz z Basel
Centralbaanblatz
S Euler am Baanhoofblatz
Basisdaate
Ort Basel
Kwardier Dalbegwardier
Aagläit 1850er Joor
Stroosse, wo in Blatz iinechömme Elisabethenaalaag
Nauestrooss
Centralbaanstrooss
Bauwärk Baanhoof SBB Basel
Nutzig
Nutzergrubbe Verkeer
Dialäkt: Baaseldütsch

Dr Baasler Centralbaanblatz isch e Blatz vor em SBB Baanhoof Basel. Er isch in de 1850er Joor aagläit worde, zämme mit em Bau vom Centraalbaanhoof nääbedraa, wo 1854 iigweit worden isch.

D Laag[ändere | Quälltäxt bearbeite]

Dr Baanhoofblatz lit im Dalbegwardier zwüsche dr Elisabethenaalaag und dr Nauestrooss im Nordoste und dr Centralbaanstrooss im Südweste und isch äine vo de wichdige Verkeersknootepünggt in dr Stadt. D Dramlinie 1, 2, 8, 10 und 11 und d Buslinie 30, 48 und 50 vo dr BVB häi uf em Blatz Haltstelle. Dr 50er Bus goot bis zum EuroAirport Baasel/Mülhuuse/Freiburg.

Geböid am Blatz[ändere | Quälltäxt bearbeite]

Dr SBB Baanhoof, wo im Süüde vom Blatz isch, stoot uf dr Liste vo de Kulturgüeter vo nationaler Bedütig im Kanton Basel-Stadt. Am Blatz sälber stöön au meereri Hotel, s Euler, dr Schwizerhoof und s Victoria, in de Nääbestroosse git s no mee Mööglikäite zum Übernachte.

Koordinaten: 47° 32′ 51″ N, 7° 35′ 23″ O; CH1903: 611375 / 266320