Carmen Birchmeier-Kohler
| Dialäkt: Undermarkgreflerisch |
D Carmen Birchmeier-Kohler (* 6. Juli 1955 z Waldshuet) isch e dytsch-schwyzerischi Genforscheri un Entwickligsbiologi.
Lääbe un Forschig[ändere | Quälltäxt bearbeite]
D Birchmeier-Kohler het vu 1974 bis 1979 Biochemy an dr Universitet Konschtanz, dr University of California, San Diego un dr ETH Züri studiert. Ihri Dokterarbet bim Max Birnstiel het si anne 1984 am Inschtitut fir Molekularbiology II an dr Universitet Züri abgschlosse. Noch eme Uuslandsufenthalt as Poschtdoktorandi bim Michael Wigler un as Wisseschaftleri am Cold Spring Harbor Laboratory uf Long Island (USA) vu 1984 bis 1989, het si d Laitig vun ere Arbetsgrupp im Kölner Max-Delbrück-Laboratorium uf em Gländ vum Max-Planck-Inschtitut fir Zichtigsforschig ibernuu. Dert het si anne 1993 ihri Habilitation abgschlosse.
Syter 1995 schafft si am Max-Delbrück-Zäntrum fir Molekulari Medizin (MDC) z Berlin.
Anne 2002 isch si fir ihri Forschig iber d Signaliberdragig zwische Zälle bi dr Embryonal- und Organentwicklig vu Suuger mit em Gottfried-Wilhelm-Leibniz-Bryys uusziachnet wore. Im nämlige Johr het si ne C4-Brofässur an dr Medizinische Fakultet vu dr Freie Universitet (FU) Berlin, jetz Charité, iberchuu. Syter 2013 isch si Mitglid vu dr Academia Europaea.[1] Im Johr 2018 isch si zum Mitglid vu dr Dytsche Akademy vu dr Naturforscher Leopoldia gwehlt wore.[2]
D Birchmeier-Kohler forscht zue dr Molekularbioloy vu dr Embryogenese un Organogenese bi Suuger un däre ihre Bedytig fir Fählentwicklige vum Närvesischtem, bi Chrankete vum Skelettmuskel un vum Häärz un bi Chräbs. Mit Hilf vu „Knockout-Myys“ (Myys, wu bstimti Gen chinschtli abgschalte sin) hän d Birchmeier-Kohler un ihri Mitarbaiter d Roll vu verschidene Wachstumsfaktore beziehigswys ihre Rezeptore un dr Transkriptionsfaktor, wu vun ene kuntrelliert wäre, fir d Entwicklig vum Organismus chenne ufklere.
D Carmen Birchmeier isch mit em Entwickligsbiolog un Chräbsforscher Walter Birchmeier ghyrote.
Weblink[ändere | Quälltäxt bearbeite]
- Websyte vu dr Arbetsgruppe vu dr Carmen Birchmeier-Kohler
- Brässmitdailig vum MDC zum Leibniz-Bryys
- Bryysdreegersyte bi dr DFG
- Barbara Bachtler: MDC ehrt Prof. Carmen Birchmeier-Kohler zum 60. Geburtstag mit wissenschaftlichem Symposium. Max-Delbrück-Centrum für Molekulare Medizin in der Helmholtz-Gemeinschaft, Pressemitteilig vom 10. Juli 2015 beim Informationsdienst Wissenschaft (idw-online.de), abgruefen am 11. Juli 2015.
Fueßnote[ändere | Quälltäxt bearbeite]
- ↑ Mitgliederverzeichnis: Carmen Birchmeier. Academia Europaea, abgruefen am 19. Juni 2017 (englisch).
- ↑ Mitglidsyytrag vu Prof. Dr. Carmen Birchmeier bi dr Dytsche Akademy vu dr Naturforscher Leopoldina, abgruefen am 19. Juli 2018.
|
Dä Artikel basiert uff ere fräie Übersetzig vu dere Version vum Artikel „Carmen_Birchmeier-Kohler“ vu de dütsche Wikipedia. E Liste vu de Autore un Versione isch do z finde. |