California Institute of Technology

Us der alemannische Wikipedia, der freie Dialäkt-Enzyklopedy
Hops zue: Navigation, Suech
California Institute of Technology
Logo
Motto The truth shall make you free
(„D Wohret macht Euch frei“)
Gründig 1891
Drägerschaft brivaat
Ort Pasadena, Vereinigte StaatenVereinigte Staaten USA
Bresidänt Thomas F. Rosenbaum [1]
Studänte 2171
Mitarbeiter 979
drvo Profässer 310
Stiftigsvermöge 1,9 Mrd. USD (2008)[2]
Hochschuelsport Beaver (Southern California Intercollegiate Athletic Conference)
Websiite www.caltech.edu


S California Institute of Technology (alemannisch Tächnischi Hochschuel von Kalifornie), besser bekannt as Caltech, isch e brivaati Eliteuniwersidäät z Pasadena im County Los Angeles, wo uf Natur- und Ääscheniöörwüsseschafte spezialisiert isch.

Beschriibig[ändere | Quälltäxt bearbeite]

DS Caltech isch 1891 as Forschigsuniwersidäät mit nume 31 Studänte gründet worde. Hüte studiere an dr Hoochschuel nume öbbe 2000 Studänte, was im Vergliich zum groosse Riwaal MIT, won e äänligs Forschigsbrofiil het, seer wenig isch. E groosse Däil vo de Studänte befindet sich im ene postgraduale Studium. Caltech isch Mitgliid vo dr Association of American Universities. Das isch e Verbund vo füerende forschigsintensive nordamerikanische Uniwersidääte, wo sit 1900 bestoot.

S Jet Propulsion Laboratory vo dr NASA, wo dr Betriib vo Wältruumsonde überwacht, isch e Däil vo dr Uniwersidäät. S Institut isch an s Forschigsnetzwärk Biomedical Informatics Research Network (BIRN) aagschlosse.

D Uni het zwar nume 310 Brofässer und 2171 Studänte (2004/2005) und isch also seer chlii, aber si isch wüsseschaftlig hoochbroduktiv und ghöört noch verschiidene Rankings zu de zää beste Uniwersidääte uf dr Wält. In Lauf vo dr Gschicht vo dr Uniwersidäät häi Aaghöörigi und Ehemooligi im Ganze 31 Nobelbriis gwunne: 13 in Füsik, 9 in Füsiologii oder Medizin, 6 in Chemii, 2 in Ökonomii und äi Friidensnobelbriis.

Fuessnoote[ändere | Quälltäxt bearbeite]

  1. Caltech Names Thomas F. Rosenbaum as New President, abgrüeft am 14. Juni 2014
  2. National Association of College and University Business Officers: „2008 NACUBO Endowment Study“ (PDF; 592 kB), 6. Februar 2009
Information icon.svg Dä Artikel basiert uff ere fräie Übersetzig vum Artikel „California_Institute_of_Technology“ vu de dütsche Wikipedia.

E Liste vu de Autore un Versione isch do z finde.