Céline Vara

Us der alemannische Wikipedia, der freie Dialäkt-Enzyklopedy
d Céline Vara (2019)

D Céline Vara (* 4. Oktober 1984 z Saint-Aubin FR) isch e Schwyzer Bolitikeri (GPS).

Lääbe[ändere | Quälltäxt bearbeite]

D Céline Vara isch z Cortaillod ufgwagse. Si isch italienisch-schwyzerischi Doppelbuurgeri un stammt us aifache Verhältnis. D Vara het an dr an der Universiteet Nöieburg Räächtswisseschafte mit em Schwäärpunkt Gsundhaitsräächt studiert. Näbehär het si as Kassiereri in eme COOP-Supermäärt gschafft.[1] No Aastellige in ere Kanzlei z Nöieburg un an dr Regionaalgriicht vu Littoral un Val-de-Travers isch si anne 2011 as Aawälti zuegloo woore un schafft syterhäär as säbschtständigi Aawälti z Nöieburg.[2]

Bolitik[ändere | Quälltäxt bearbeite]

D Céline Vara isch anne 2008 in d Legislatiiv vu dr Gmai Cortaillod gweelt woore. Vu 2012 bis 2016 isch si Mitgliid vum Gmairoot (Exekutiiv) vu Cortaillod gsii un syter anne 2017 isch si Mitgliid vum Grooße Root vum Kantoon Nöieburg.[2]

Bi dr nazionaale Barlemäntswaale vum 20. Oktober 2019 isch d Céline Vara fir dr Kantoon Nöieburg in Ständeroot gweelt woore.

Si isch 2005 Grindigsmitgliid un eerschti Bresidänti vu dr Junge Griene vum Kantoon Nöieburg gsii. Vu 2016 bis 2018 isch si Bresidänti vu dr Griene Kantoon Nöieburg gsii un syter 2018 isch si Vizebresidänti vu dr Griene Schwyz.[1]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 Die Coop-Kasse als Lektion fürs Leben. In: nzz.ch. 18. September 2019 (nzz.ch [abgerufen am 21. Oktober 2019]).
  2. 2,0 2,1 Nicati Vara Bigler: Céline Vara. Abgruefen am 21. Oktober 2019 (französisch).
Dä Artikel basiert uff ere fräie Übersetzig vu dere Version vum Artikel „Céline_Vara“ vu de dütsche Wikipedia. E Liste vu de Autore un Versione isch do z finde.