Burg Schidbärg

d Ruiine vo dr Burg Schidbärg oben a dr Ruinaulta-Schlucht

D Burg Schidbärg isch hüt nur no en Ruiine, wo von ere middelalterliche Burg i dr Gmaind Sagens im Kanton Graubünde übrig bliben isch. Vo 1964 bis 1968 het me d Burgstell uusgrabe.

Si het dr Name Schidbärg erscht sid em 16. Joorhundert. Vorhär het me ere immer eifach casti gseit, was es rätoromanischs Wort isch für Burg und uf s latynische Wort castrum zrugg goot.

Was me bi de Uusgrabige gfunde het, zeigt, ass uf däm Hügel scho im 8. Joorhundert en Burg gsi isch. Und das basst zu der gschichtleche Kwelle us em Joor 765, wo Teschtamänt vom Bischof Tello heisst. De Tello, Bischof vo Chur, het d Burg zäme mit em Dorf Sagens den em Chloschter Disentis gschänkt.

Sid em 14. Joorhundert het niemer mee i dr Burg gwoont, und si isch nodisno e Ruiine worde.

Weblink

 Commons: Burg Schiedberg – Sammlig vo Multimediadateie

• Maria-Letizia Boscardin: Schiedberg. In: Historisches Lexikon vo dr Schwiiz.

Literatur

• Martin Bundi u. a.: Beiträge zu historischen Tagung in Sagogn 25./26. April 2008: Mittelalterliche Herrschaft und Siedlung in Churrätien am Beispiel der Freiherren von Sagogn/Schiedberg. Chur 2010.
• Martin Bundi, Urs Clavadetscher, Werner Meyer, Wolfram Kuoni: Schiedberg, Bregl da Heida und Schloss Aspermont in Sagogn. Bern 2007.