Burg Keppebach
| Burg Keppebach | ||
|---|---|---|
| Entstehigsziit: | 1100 bis 1200 | |
| Burgetyp: | Hecheburg | |
| Erhaltigszuestand: | Muurräscht | |
| Ständischi Stellig: | Minischtriali, Adligi | |
| Ort: | Freiamt-Riichebach | |
| Geografischi Lag: | 48° 9′ 52,9″ N, 7° 55′ 0,5″ O | |
| Höchi: | 435 m ü. NN | |
| ||
D Burg Keppebach isch e Burgruine rund 1500 Meter ewäg vu dr Stadt Freiamt im Landkreis Ämmedinge z Bade-Wirttebärg. Si lyt uf uf eme langgstreckte Bärgsporn vum Schlossbärg iber em Wyyler Sägplatz un em Ortsdeil Riichebach.
Gschicht
[ändere | Quälltäxt bearbeite]Anne 1161 isch dr Hartmut von Keppenbach (Hartmout de Keppenbach) as Minischtriale vu dr Zähringer gnännt wore. D Burg isch dr Stammsitz vu dr Herre von Keppenbach. 1251 wird d Burg in eme Schlichtigstext zwische Sigelau un em Chloschter Dännebach gnännt. Speteschtens ab 1336 isch d Burg Keppebach e Ganerbeburg gsi, also e Burg wu vu mehrere Familie bewohnt gsi isch.
Am Änd vum 14. Johrhundert isch d Burg dur d Habsburger gschlisse wore, wu ihre Machtberaich uf dr Bryysgau un d Stadt Fryybeg uusdehnt gha hän. D Burg isch dur d Herre von Keppenbach aafangs 15. Johrhundert wider ufböue wore un derno 1525 im Buurechrieg ändgiltig gschlisse wore.
Aalag
[ändere | Quälltäxt bearbeite]Die ehmolig Hecheburg isch e chleini, kompakti, drejsytigi Schildmuureburg gsi, wu us ere Ober- er Mittel- un ere Unterburg bstanden isch mit ere zweifach gchnickte Schildmuure. Die het e Sterki vu 2,3 Meter un e Hechi vu 7,5 Meter gha. D Burh isch vun eme Halsgrabe umgee gsi mit ere Breiti vu rund 30 Meter. Vu dr ehmolige Burgaalag sin no umfangryychi Muurräscht erhalte.
Wel d Burgaalag kei Bärgfrid het, wird vermuetet, ass dr Durm, wu 70 Meter wyter nerdlig un 38 Meter unter dr Burg stoht, as Bärgfrid zue dr Aalag ghert het un mit dr Vorburg verbunde gsi isch.
Im Heimetmuseum im Ortsdeil Ottoschwande cha mer Fund us dr Burg bschaue.
Literatur
[ändere | Quälltäxt bearbeite]- Ursula und Martin Gruber, Jürgen Schneider: Burgruine Keppenbach. Die Geschichte der Burg und ihrer Ausgrabungsarbeiten. hrsg. vom Der Heimatverein Freiamt e. V. pk-Verlag, Freiamt 2003
Weblink
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Burg_Keppenbach“ vu de dütsche Wikipedia. E Liste vu de Autore un Versione isch do z finde. |