Britta Engelhardt
D Britta Engelhardt (* 28. Dezämber 1962 z Stuagert[1]) isch e dytschi Bioloogi, Brofässeri fir Immuunbiology un Diräkteri vum Theodor-Kocher-Inschtitut an dr Uniwersiteet Bärn. Ire Foorschigsschwäärpunkt isch d Biology vu dr Bluet-Hiirni-Schranke, vor allem d Entzindige vu Näärvegwääb (Neuroinflammazioon) unter anderem im Zämehang vu Multiipler Skleroos.[2]
Lääbe
[ändere | Quälltäxt bearbeite]D Britta Engelhardt het vu 1982 von 1987 Humaanbiology mit Schwäärpunkt Immuunology an dr mediizinische Fakulteet vu dr Uniwersiteet Marburg studiert.[3][1] Wel si si aarg fir Multiiple Skleroos inträssiert het, isch si uf Würzburg in e kliinischi Foorschigsgruppe gwägslet, vu deert uus isch si speeter mit irem Doktervater Hartmut Wekerle uf Minche ans Max-Planck-Inschtitut fir Psychiatry gange. Deert het si anne 1991 zum Dr. rer. physiol. bromewiert[3][4]
Im Rame vun eme Postdoc-Ufenthalt 1991 bis 1993 im Laboor vu dr Eugene C. Butcher an der Stanford University het si zue Zälladhesioonsmolekiil gfoorscht, wu iber d Bluet-Hiirni-Schranke an dr Rekrutierig vu wysse Bluetkerperli bedailigt sin.[1] Nocherdani isch si retuur chuu uf Dytschland, wu si noch eme chuurze Intermezzo an dr Uniwersiteet Dibenga vu Ändi 1993 bis 2001 am Max-Planck-Inschtitut fir Fisioloogischi un Kliinischi Foorschig z Bad Nauheim verschiideni Foorschigsgruppe glaitet het.[2][1] Iri Leerbefuegnis fir Immuunology un Zällbiology het si anne 1998 an dr mediziinische Fakulteet vu dr Uniwersiteet Marburg iiberchuu, 1999 isch si uf e C3-Stell an irem Inschtitut gruefe woore.[2][5]
Anne 2003 isch si as Brofässeri fir Immuunbiology an d Uniwersiteet Bärn gruefe woore, wi s Theodor-Kocher-Inschtitut laitet.[2][1]
D Britta Engelhardt isch Bresidänti vum Microscopy Imaging Center vu dr Uniwersiteet Bärn; si giltet as Pionieri in dr Aawändig vu dr Intravitaalmikroskopy fir d Untersuechig vu dr Miikrozirkulazioon vum Ruggemaarch an lääbige Myys.[2] Fir iri Aarbet uf däm Biet isch si 2001 vu dr Gesellschaft für Mikrozirkulation und vaskuläre Biologie mit em Hermann-Rein-Bryys uuszaichnet woore.[2] Si isch Mitgliid in verschiidene Fachgsellschafte; unter anderem isch si Bresidänti vu dr Swiss Society for Microcirculation and Vascular Research[6] un vum wisseschaftlige Byyroot vu dr Schwyzerische Multiiple Skleroos Gsellschaft.[7]
D Engelhardt engaschiert si au in as Bresidänti vu dr Kummissioon fir d Glyychstellig vu dr mediziinische Fakulteet un koordiniert s Brogramm BtRAIN fir akadeemischi Noowugsfeerderig im EU-Brogramm Horizon 2020.[3]
Si isch ghyroote un läbt z Bärn.[3]
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ 1,0 1,1 1,2 1,3 1,4 Curriculum vitae. In: med.uni-magdeburg.de. Abgruefen am 28. März 2020 (änglisch).
- ↑ 2,0 2,1 2,2 2,3 2,4 2,5 Fluids and Barriers of the CNS. Abgruefen am 28. März 2020 (änglisch).
- ↑ 3,0 3,1 3,2 3,3 Wider die Bequemlichkeit. 14. Februar 2017, abgruefen am 28. März 2020.
- ↑ Immunspezifische Interaktion von Ratten-Hirnkapillarendothelzellen mit syngenen Antigen-spezifischen T-Zellinien. (Dissertation). 1990.
- ↑ Birgit Kolboske: Die Anfänge. Chancengleichheit in der Max-Planck-Gesellschaft, 1988–1998. Ein Aufbruch mit Hindernissen. (Preprint 2). Hrsg.: Florian Schmaltz, Jürgen Renn, Carsten Reinhardt und Jürgen Kocka. S. 105 (mpg.de [PDF] Fussnote 442).
- ↑ Committee. Abgruefen am 28. März 2020.
- ↑ Wissenschaftlicher Beirat. In: multiplesklerose.ch. Schweizerische Multiple Sklerose Gesellschaft, abgruefen am 29. März 2020.
|
Dä Artikel basiert uff ere fräie Übersetzig vu dere Version vum Artikel „Britta_Engelhardt“ vu de dütsche Wikipedia. E Liste vu de Autore un Versione isch do z finde. |