Brigitte Schlieben-Lange

D Brigitte Schlieben-Lange (* 25. Septämber 1943 z München; † 14. Septämber 2000 z Frankfurt am Main) isch e dytschi Romanischti un Linguischti gsii.

Lääbe

D Schlieben-Lange isch e Doochter us dr eerschte Ee vum Altgermanischt Wolfgang Lange gsii.

Noch em Abituur het d Brigitte Schlieben-Lange Romanischtik, Germanischtik, Allgmaini Sproochwisseschaft un Filosofy studiert, zeerscht z München, speter z Dibenga. Anne 1970 isch si bim Eugenio Coseriu bromewiert un Assischtänti am Romaanische Seminaar z Fryburg woore. Im Joor 1974 isch si Brofässeri fir Romaanischi Filology un Allgmaini Sproochwisseschaft an dr Uniwersiteet Frankfurt woore, 1991 isch si uf Dibenga uf dr Leerstuel fir Romaanischi Filology gruefe woore, wu si bis zue irem Dood 2000 ghaa het. Syter anne 1995 isch si oordeli Mitgliid vu dr Haidelbercher Akademy vu dr Wissehschafte gsii. Si het d Zytschrift fir Linguischtik un Literatuurwisseschaft mit uusegee un het au Gaschtbrofässuure ghaa z Brasilie un in dr USA.

D Schlieben-Lange het iri sproochwisseschaftli Karriere mit Untersuechige zue dr romaanische Sprooche Katalaanisch un Okzitaanisch aagfange.Iiber d Romanischtik uuse het mer si gchänt fir iri Yyfierige in d Soziolinguistik (1973) un d Pragmatik (1975). Zäntraal in irem Wäärchsin au iri Aarbete iber sproochligi, sproochbolitischi un epischtemoloogischi Broblääm vu dr Franzeesischi Rewoluzioon gsii, unter anderem ire Ufsatz iber d Sproochbolitik vum Abbé Grégoire, em jakobiinische Kultusminischter, wu si anne 1976 in dr doodmool neie Zytschrift "lendemains" vereffetligt ghaa het. Vu deert uus fiert dr Wääg iber ire Hauptwäärch "Traditionen des Sprechens" (1983) zue irem letschte Buech "Idéologie, révolution et uniformité de la langue" (1996), wu s Ergeebnis us eme vu iire glaitete Foorachigsbrojäkt iiber d Idéologues gsii isch, ere Gruppe vu Filosoofe un Wisseschaftler, wu ne weiichtig Roll bi dr Franzeesische Rewoluzioon ghaa hän.

Im Septämber 2000 isch d Schlieben-Lange chuurz vor iirem 57 Gebuursdaag gstoorbe.

Vum Land Baade-Wiirtebäärg het s e Wisseschaftsfeerderbrogramm mit irem Name, wu si spezäll an Fraue mit Chinder riichtet.^[1] Vu 1994 bis 1996 isch si Frauebeufdraiti vu dr Uniwersiteet Dibenga gsii.^[2]

Uusglääseni Schrifte

Okzitanische und katalanische Verbprobleme: ein Beitrag zur funktionellen synchronischen Untersuchung des Verbalsystems der beiden Sprachen (Tempus und Aspekt). Niemeyer, Tübingen 1971.
Soziolinguistik. Eine Einführung, 3. Auflage. Kohlhammer, Stuttgart 1991 (1. Auflage 1973), ISBN 3-17-011237-6.
Einführung in die Pragmatik. 1975.
Traditionen des Sprechens. 1983.
als Hrsg. mit Helmut Kreuzer: Fachsprache und Fachliteratur. Göttingen 1983.
(Hrsg.) Europäische Sprachwissenschaft um 1800. Methodologische und historiographische Beiträge zum Umkreis der ‹idéologie›. 4 Bände. Nodus, Münster 1989–1994, ISBN 3-89323-600-7.
Idéologie, révolution et uniformité de la langue. Inhaltsverzeichnis, Mardaga, Sprimont 1996.
‹Idéologie›: zur Rolle von Kategorisierungen im Wissenschaftsprozeß. (Schriften der Philosophisch-Historischen Klasse der Heidelberger Akademie der Wissenschaften, Band 18). Vorgetragen am 25. April 1998. Winter, Heidelberg 1999, repr. 2000, ISBN 3-8253-0917-7. Rezension
(Hrsg.): Generationen. (Zeitschrift für Literaturwissenschaft und Linguistik, Heft 120, Jahrgang 30). Metzler, Stuttgart 2000.
(Hrsg.): Dialog zwischen den Schulen: soziolinguistische, konversationsanalytische und generative Beiträge aus Brasilien. Nodus, Münster 2003, ISBN 3-89323-288-5.
(mit dr Isabel Zollna) Die Idéologues, in: Johannes Rohbeck (Hrsg.), Grundriß der Geschichte der Philosophie. Begründet von Friedrich Ueberweg. Die Philosophies des 18. Jahrhunderts, Band: Frankreich, Schwabe, Basel 2008, S. 973–1015.^[3]
Kleine Schriften. Eine Auswahl zum 10. Todestag. Herausgegeben und eingeleitet von Sarah Dessì Schmid. Narr, Tübingen 2010, ISBN 978-3-8233-6569-3.
Online verfiegbaar: Schrifteverzaichnis (pdf)

Weblink

Literatur vu un iber Brigitte Schlieben-Lange im Katalog vu dr Dütsche Nazionalbibliothek
Jürgen Trabant: Zum Tode von Brigitte Schlieben-Lange, Tagesspiegel</ref>

Fueßnote

↑ Programm Frauen in der Wissenschaft
↑ Informazioone zue dr Brigitte Schlieben-Lange
↑ Schriftenverzeichnis, in: Kleine Schriften. Eine Auswahl zum 10. Todestag. Herausgegeben und eingeleitet von Sarah Dessì Schmid. Narr, Tübingen 2010, ISBN 978-3-8233-6569-3, S. 347–364, S. 361.

[1] Programm Frauen in der Wissenschaft

[2] Informazioone zue dr Brigitte Schlieben-Lange

[3] Schriftenverzeichnis, in: Kleine Schriften. Eine Auswahl zum 10. Todestag. Herausgegeben und eingeleitet von Sarah Dessì Schmid. Narr, Tübingen 2010, ISBN 978-3-8233-6569-3, S. 347–364, S. 361.

[1]

[2]

[3]