Bridget Breiner

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Bridget Breiner (* 1974 z Connecticut, USA) isch e US-amerikanischi Dänzeri un Choreografi, wu syter anne 1991 in dr Hauptsach z Dytschland läbt un schafft.

Lääbe un Wirke[ändere | Quälltäxt bearbeite]

D Breiner het zerscht danze glehrt an dr BalletMet Dance Academy z Columbus (Ohio). Im Alter vu 17 Johr isch si uf Minche gange, go dert an dr Heinz-Bosl-Stiftig wyter danze lehre.

Ire erscht Engaschmänt het si ab 1992 unter dr Laitig vu dr Konstanze Vernon im Bayerische Staatsballett ghaa. Ire Debüt as Choreografi het si 1995 gee im renommierte Junge Choreografe-Oobe vu dr Stuegerter Noverre Gsellschaft.

Anne 1996 isch si Mitglid vum Stuegerter Ballett unter dr Laitig vum Reid Anderson wore, wu si anne 2001 Erschti Solischti wore isch. Vu 2006 bis 2008 het d Breiner si z Dresden im Ballett an dr Semperoper untrer dr Latig vum Aaron Watkin danzt un vu 2008 bis 2011 isch si Artist in Residence bim Stuegerter Ballett gsii.

Anne 2011 isch d Breiner yyglade wore, s Großstadt-Triptychon z inszeniere, e Zämenarbet vu dr Opere un dr Danzkompanie vum Musiktheater im Revier Gelsenkirchen. Vu 2012 bis 2019 isch si derno Ballettdiräkteri vum nei grindete Ballett am Musiktheater im Revier z gsii. 2013 isch iri Arbet Ruß – Eine Geschichte von Aschenputtel as Beschti Choreografy mit em Dytsche Theaterbryys Der Faust uuszaichnet wore. 2015 het si dr nämlig Bryys fir s Stuck Charlotte Salomon: Der Tod und die Malerin iberchuu. Im Johr 2016 isch d Bridget Breiner zue dr Ruhrfeschtspiil z Recklinghausen yyglade worem, wu si iri erscht Arbet vun ere Raie no Drame vum William Shakespeare yybrocht het: „Prosperos Insel“ noch em Drama „Der Sturm“. Fir s Ballett im Revier het si 2017 s symphonisch Ballett „The Vital Unrest“ mit dr 3. Symphony vum Camille Saint-Saëns un ere Kumpesition vum lettische Kumpenischt Georgs Pelēcis. Mit „Romeo und Julia“ noch em Sergeij Prokofjew im Februar 2018 un „Ein Sommernachtstraum“ im Merz 2019 het si nomol zwoo Shakespeare-Arbeite zur Uruffierig brocht.

Zue dr Spiilzyt 2019/2020 isch d Breiner as Ballettdiräkteri un Schefchoreografi an s Badisch Staatstheater Charlsrue gwägslet.

As Dänzeri het d Breiner in vyl Länder gschafft un mit verschidene Choreografe wie John Neumeier, David Dawson, Douglas Lee, Mauro Bigonzetti un Christian Spuck zämegschafft.

Wäärch[ändere | Quälltäxt bearbeite]

  • Pretty please, could you dance for me? Fotos: Marcia Breuer, Textbeiträge: Bridget Breiner. Material-Verlag, Hamburg 2005, ISBN 3-938158-15-8.

Weblink[ändere | Quälltäxt bearbeite]