Breitspur

Us der alemannische Wikipedia, der freie Dialäkt-Enzyklopedy
GE U26C vo der brasilianische ALL (América Latina Logística) mit ere Spurwiiti vo 1600 mm

Under Bräitschpuur verstuht mer Ysebahngleis, wu bräiter sind als d' Normalschpuur vu 1435 Millimeter.

Verbreitig[ändere | Quälltäxt bearbeite]

Bräitschpuurigi Gleis händ in Europa di portugiesisch CP, di schpanisch RENFE, di finnisch VR und d' Bahne i d'r ehemaligä Sowjetuniuu. Di andärä Bräitschpuurbahne sind i dem Kontinänt Vergangähäit. Mer het sich wiitgehend uf di mitteleuropäisch Normalschpur g'äinigt, so dass hüt än Internaziunale Schinevercheer guet machbar isch.

Usserhalb vo Europa findet mä Breitspurnetz vor allem z Indie, Australie und Südamerika.

Vordeil und Nochdeil[ändere | Quälltäxt bearbeite]

D Breitspur het e baar Vordeil: Je grösser d Spurwiiti, umso besser si d Laufeigeschafte vom Zug und umso belastigsfähiger isch d Strecki, vor allem wenn dr Undergrund schlächt isch. D Nochdeil si die höchere Bauchoste, aber hauptsächlig die grössere Kurveradie. Dorum wärde in Stedt und in de Bärge oder in änge Däler hüfig schmaleri Spure gwehlt.