Boris Johnson

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Boris Johnson (2019) dr Boris Johnson

Dr Alexander Boris de Pfeffel Johnson (* 19. Juni 1964 z New York City, USA) isch e britische Publizischt, Bolitiker vu dr Conservative Party un syt em 24. Juli 2019 Premierminischter vum Verainigte Chenigrych. Vu 1999 bis Dezämber 2005 het dr Johnson s konservativ Nochrichtemagazin The Spectator uusegee. Syter 2015 verdritt er dr Wahlchrais Uxbridge and South Ruislip im Weschte vu Greater London im Unterhuus, wun er vu 2001 bis 2008 scho fir dr Wahlchrais Henley aagheert ghaa het. Vu Mai 2008 bis Mai 2016 isch er Burgermaischter vu London un vu Juli 2016 bis Juli 2018 britische Usseminischter gsii.

Dr Johnson het d Kampagne fir e EU-Uusdritt vum Verainigte Chenigrych vor em Referändum am 23. Juni 2016 aagfiert un het dodmol as ain vu dr Favorite fir d Noofolg vum Premier David Cameron gulte. Noch em Rugdritt vu dr Theresa May isch er am 23. Juli 2019 zum Barteifierer vu dr Conservative Party gweelt woore. Ai Dag speter het er s Amt as Premierminischter ibernuu. In dr vorzogne Wahle vum Underhuus vum 12. Dezämber 2019 hed er e großi Mehrheit überchoo.

Dr Johnson isch au Vorsitzer vum Commonwealth of Nations.

Literatur[ändere | Quälltäxt bearbeite]

  • Andrew Gimson: Boris: The Rise of Boris Johnson. Simon & Schuster, London 2006, ISBN 0-7432-7584-5.
  • Sonia Purnell: Just Boris: Boris Johnson: The Irresistible Rise of a Political Celebrity. Aurum Press Ltd., London 2011, ISBN 978-1-84513-665-9.

Weblink[ändere | Quälltäxt bearbeite]

 Commons: Boris Johnson – Sammlig vo Multimediadateie