Blaalig

Systematik

Chlass:	Chnochefisch (Osteichthyes)
Underchlass:	Strahleflosser (Actinopterygii)
Ordnig:	Lachsartigi (Salmoniformes)
Familie:	Lachsfisch (Salmonidae)
Gattig:	Coregonus
Art:	Blaalig

Wüsseschaftlige Name

Coregonus zuerichensis

Nüsslin 1882

De Blaalig (Coregonus zuerichensis; alemanischi Näme) isch e Felchenart wo im Walesee und im Zürisee endemisch isch.

Uussie

De Blaalig ghört zo de groosse Felche und werd öppe 40 bis 60 cm lang. Er isch e graue längliche Fisch, sini chliine Flosse sind e bitzeli dünkler gfärbt, d Schwanzflosse isch gablet. Er hett groossi Auge und groossi Schuppe, siis Muul isch eener chlii.

Verbraitig

De Blaalig isch en endemischi Felchenart im Walesee und im Zürisee. Früener isch er au im Griiffesee und im Pfäffikersee haimisch gsii. Die beede Seeje sind i de Chriegszitt starch uusgfischet woore und d Industrilisierig het denn no de Rest ggee, well Blaalig recht empfindlich uf Wasserverschmutzig und Öberdüngig reagieret. Ab 1974 sind wider Blaalig usem Zürisee i dene zwee Seeje uusgsetzt wore und sind drum hüt wider i dene beede Seeje z finde.

Lebeswiis

De Blaalig isch e Sandfelch, wo ufem Seebode umeschwümmt und gern Wasserschnegge fresst. Er taucht selte tüüffer as 10 Meter.

D Laichzitt goot vom Novemeber in Dezember ine. Wichtige Laichplatz im Zürisee liged bim Seedam z Rapperschwiil und a saichte Stel im Becki vo de Stadt Züri. Noch öppe drai Joor wered Blaalig gschlechtsriiff, und sind denn rund 30 cm lang.

Büecher

Maurice Kottelat & Jörg Freyhof: Handbook of European Freshwater Fishes. 2007, ISBN 978-2-8399-0298-4.

Weblink

Blaalig uf Fishbase.org (englisch)

Coregonus zuerichensis in dr Rote Lischt vu dr gfehrdete Arten vu dr IUCN 2008. Yygstellt vu: Freyhof, J. & Kottelat, M, 2008. Abgruefe am 10. Februar 2014