Bitterlig

Us der alemannische Wikipedia, der freie Dialäkt-Enzyklopedy
Bitterlig

Bitterlig (Rhodeus amarus)

Systematik
Überordnig: Ostariophysi
Ordnig: Charpfenartigi (Cypriniformes)
Familie: Charpfefisch (Cyprinidae)
Underfamilie: Bitterlig (Acheilognathinae)
Gattig: Rhodeus
Art: Bitterlig
Wüsseschaftlige Name
Rhodeus amarus
Bloch, 1782

De Bitterlig (Rhodeus amarus; alemanischi Näme) isch e Süesswasserfisch wo ursprüngli z Osteuropa haimisch gsii isch, sich aber immer me i Mitteleuropa uusbraitet. Er isch au au e bliebte Aquariefisch.

Uussie[ändere | Quälltäxt bearbeite]

De Bitterling isch e längliche silbirge Fisch, wo 9 cm lang werd. I de Laichzitt wered Mandli röötlich, de Hindertail blaugrüe, de Chopf und d Ruggeflosse sind denn dunkel. Wenn kai Muschle ume sind, änderet s Mandli sini Farb nöd.

Verbraitig[ändere | Quälltäxt bearbeite]

De Bitterling isch früener im südliche Osteuropa haimisch gsii, verbraitet sich aber sitt em Mittelalter immer mee. Er mag warmi Standgwässer bis 700 müM mit eme sandige Grund und mit vill Wasserpflanze. Au i Flüüssgwässer mit ere schwache Ströömig, wie Kanäl oder Altloif chunnt er vor.

Lebeswiis[ändere | Quälltäxt bearbeite]

De Bitterling isch e Bodefisch, wo vo Alge und Wasserpflanze lebt. S Mandli suecht sich e Revier mit ainere oder e paar wenige groose Mischle (Unio sp.; Anodonta sp.) und wanderet au mit de Muschle mit.

D Laichzitt goot vom Aprile bis in Augste, wenn d Wassertemperatur öber 15 Grad stiigt. S Wiibli lait miteme Legrüssel 20 bis 50 Aier in e Muschle. S Mandli biwacht und vertaidigt sis Revier und loot kai andere Mandli ane. D Laarfe bliibet öppe e Monet i de Muschle.

Bsundrigs[ändere | Quälltäxt bearbeite]

Früener sind Bitterling för Schwangerschaftstest bruucht wore. Werd emene Wiibli de Urin vonere schwangere Frau iisprützt, faarts sin Legrüssel uus.

Büecher[ändere | Quälltäxt bearbeite]

Weblink[ändere | Quälltäxt bearbeite]

 Commons: Bitterling – Sammlig vo Multimediadateie