Bestächligkäit

«Bestächligi Legislazioon», e Fresko vom Elihu Vedder im Iigangsruum zum Hauptlääsisaal vo dr Library of Congress im Thomas Jefferson Building, Washington, D.C., 1896.

Bestächligkäit isch e Verhalte, wo öbber vo öbber anderem Vordäil bechunnt, sige si materiell oder immateriell, und denn für dä öbbis macht, wo dä kä Rächt druf het. D Bestächig isch moralisch verwärflig und in Rächtsstaate au e Verbräche. Si schaadet dr Wirtschaft und dr Gsellschaft und isch vor allem dört verbräitet, wo die öffentligi Kontrolle über Lüt in Verdrauensposizioone schwach isch.

Näbe anderem korrupte Verhaltenswiise wie Bestächig, Usnütze vo Vordäil und öbberem s Usnütze vo Vordäil duureloo isch d Bestächligkäit vo Persoone, wo am Gschäfts- und Rächtsvercheer däilnäme, e Gfoor für s Verdraue, ass sich d Behörde und d Undernääme im Wettbewärb aaständig benäme. Dorum isch d Bestächig e Stroofdaat in Rächtsstaate. Bsundrigs sträng wird d Bestächlikäit vo Richter bestrooft, wäge iirere bsundrige Posizioon im Stroofbrozäss, wo die ganzi Rächtsstaatlikäit cha in Gfoor bringe.

Dä Artikel basiert uff ere fräie Übersetzig vum Artikel „Korruption“ vu de dütsche Wikipedia. E Liste vu de Autore un Versione isch do z finde.

Bitte gib au Achtig uf dr Hiwis zue Rechtstheme!