Benutzer Diskussion:4460.ch

I verabschyde mi vo dr Wikipedia und i ha s Gfühl, dir begrüesset das.--4460.ch 16:34, 11. Apr. 2008 (CEST)

säll gsehsch du falsch. Mir sin e Gmeinschaftsprojäkt, wo jede mitschaffe darf. Aber mir hän gwüssi Regle über Schriibstil, Relevanz, Artikeluffbau, Kategorie etc. Und an die muess sich au jede halte. Ich fänds schön, wenn du uns wurdsch erhalte bliibe, denn einigi vo dine Artikel sin im grosse Ganze würkli guet gsi und au vo allgemeinem Interässi --Dr Umschattig red mit mir 18:57, 11. Apr. 2008 (CEST)

Wiso? Wägem "Gelterkinden"? Das söttsch nid allzu dragisch näh. Ich find s ehnder ä gueti Idee, ass mä Ardikel au in Ort-Kategorie cha iideile. Wenn ich öbbis über Gälterchinde wett wüsse, wiso muess i mi dur die ganz Nordweschdschwiiz duurekämpfe? Au die allemannische Kategoriinäme si nid grad s Schläuschd. Do muess mä die ganz Ziit im Kategoriiverzeichnis go nohluege, öb jezt öbber Geografii odr Geografi gschriibe het. Mir isch s au scho bassiert, ass i ä Kategorii us Versehe uf Hochdütsch gschriibe ha, und s git sonigi, wo das immer no schdört. Abr mä sött sich scho mehr odr weniger an d Regle halte, vor allem wils so wenigi Lüt het, wo do schriibe. Wenn de uf dr änglische Wikipedia ä Seich abloosch, het s in chürzischder Ziit öbber, wo das flickt, uf dr alemannische isch das schon ä chlii andersch.Andi d 10:12, 12. Apr. 2008 (CEST)

Vo nüü Artikel wo bis jetz gschribe hesch, isch kan anzige i Froog gstellt wore oder het en Löschaatraag öberchoo und nume well de Artikel Pümpin en Öberarbaitigsfäänli öbercho het, weler zwenig enzyklopädisch gsii isch, mues mer nöd grad al Töre schleze. Die Kritik isch öberhopt nöd persönlich gmaint gsii. S isch nun emol en Underschiid öb mer e privati Websiite schribt, e Werbetext oder ebe imene Lexikon. En "Enzyklopedist" urtailt jede Artikel unpersönlich noch sim Inhalt und noitralem enzyklopedischem Stil und Relevanz ide Uussaage. Da isch bi Der nöd immer de Fall und d Kritik het jo nur wenigi Uusaage oder Setz betroffe. I de Zwüschezit het sich jo scho näber dehindergmacht und jetz isches in Ornig.

Zude Kategorie: E Kategori Gälterchinde isch öberflüssig, well ali Artikel wo da Dorf bitreffet uf de Syte Gälterchinde under »Lueg au« ufglistet werde chönet, wani grad vorig gmacht ha. Andersch z.B. binere Kategori Astronom. Es wäär zimli unglenk, wenn under jedem Astronom no e Liste mit allne andere Astronome ufglistet wüür, drum isch sone Kategori sinnvoll und erwünscht.

Wa üsi Regle agoot. Wer nöd iiverstande isch mitere Regle, cha sich ufem Stammtisch melde und da usdiskutiere. Mer hend au scho meriri Abstimige ghaa. Und wenn mitere Artikelkritik nöd iiverstande bisch, chasch da uf de Diskusionssiite bispreche. --al-Qamar 20:37, 12. Apr. 2008 (CEST)

S isch truurig, was ma do uf dyner Benutzersyte lease muess.
Was genou isch denn dr Grund drfir; ka ma di do it no irgendwie umstimme? Du bisch zwar - wie's schynt - no ab und zue as IP unterweags, aber wieso denn numma as 4460.ch? Sind dir uf Commons Bilder glescht worre, oder ligt's a ys? --- Fänd des wirkle schad, Melancholie 06:14, 6. Jun. 2008 (CEST)

Solly 4460.ch! Du hesch emool s Bild Datei:Fredy.jpg uffeglade, un gschrybe, dass es de Fotograf freigit. Leider fäält aber en Noochwyys defür (z.B es Mail). Wenn du no ume bisch, no chasch dich vilycht emool uff dere Diskussion mälde. Griess, --Terfili 19:09, 30. Mär. 2011 (MESZ)