Pümpin

Pümpin isch e Familiename wo us em Nordweschtegge vo dr Schwyz, Grossruum Basel chunnt.

Härkunft

S erschti Mol daucht de Name im Joor 1557 uf. Me list im Rotsmanual z Wolfwil, Kanton Soloturn. (Zitat) „Dass Hanss Bümpj, dieweil er den Nachburen gefällig, zu einem Burger angenommen, sol den Eid gäben, dass er hie drey Pfund ussgerichtet“. In dr Vogtey Falkeschtei heig sich dr „Hanss Bümpj“ für drey Pfund ins Bürgerrächt ykauft. Woher är cho isch weiss me nit. S chönnti sy, dass de Name us Frankrych schtammt.

S Familiewappe

Im Schtaatsarchiv z Basel isch s Wappe Pümpin ufbewahrt. Das Wappe isch e wertikal in drey Deil trennte Schild, änlich wie die französischi Trikolore, aber in de Farbe rot-silber-schwarz.

Verbreitig

Schwyz

Dr Familiename Pümpin isch in der Schwyz nit seer verbreitet. Die meischte si vo Gälterchinde, hei s Gälterchinder Bürgerrächt und läbe zu öppe 80 % in dr Nordweschtschwyz.

Chile

E grosse Stamm Pümpin läbt in Tschyle in dr Gegend um Valparaiso. Das si Nochkomme vom Gärtner Benjamin Pümpin wo 1881 usgwanderet isch.

Persone

Samuel Pümpin Inschpekter / Politiker
Emil Pümpin Ysebaaningscheniör
Fritz Pümpin (1901 – 1972), Moler
Karl Pümpin (1907 – 1975), Buur und Moler
Cuno Pümpin (*1939), Ökonom

Literarische Nowys

Buech 430 Joor Pümpin vo Gälterchinde / Eigeverlag Walter Pümpin-Gerster
Rotsmanual Wolfwil SO / Gmein Wolfwil und Schtaatsarchiv Soleturn
Wappe / Schtaatsarchiv Basel
Schtammbaum Pümpin, wo d Tschyle-Pümpin erforscht und zeichnet hei

Weblink

Schtammbaum Pümpin (Netzwersion us em Buech "430 Joor Pümpin")